☰ KALA BAWA 2
2
Dala osi boda okabosikaiwa
1 E baisa makawala karaiwaga Guyau eisaiki Mosese sola Eroni. 2 Avai tuta mina Isireli bibudaisi si kabosikaiwa, taitala taitala matausina ibodi bikaliai la buliyoyova otalila la boda doyala deli dalela doyala. Kabosikaiwa komwaidona bitavinaisi bitapataisi Guyau la Buliyoyova.
3-9 E mapilana opilibomatu, matausina bisisuaisi deli doya miyana Yuda la boda. Ibodi bibudaisi si kabosikaiwa osi boda wala titoulesi deli wala kasi tokaraiwaga. Ka, baisa makawala kala takasa.
 
Dala Tokugwab Kasi Bawa
Yuda Nasoni 74,600
Isaka Netaneli 54,400
Sebuloni Eliabi 57,400
Kasi bawa iboda. 186, 400
 
E Yuda la boda bivakumgwasi.
10-16 E opilibolimila matausina bisisuaisi deli doya miyana Rubeni la boda, ibodi bibudaisi si kabosikaiwa osi boda wala titoulesi deli kasi tokaraiwaga. Ka, baisa makawala kala takasa.
 
Dala Tokugwac Kasi Bawa
Rubeni Elisura 46,500
Simioni Selumieli 59,300
Gada Eliasapi 45,650
Kasi bawa iboda. 151, 450.
 
E Rubeni la boda bilouyasi otuboulosi Yuda la boda.
17 E mabudosina budoyu bikugwasi, deli budoyu oluvi. E mina Libai bivawalasi bikikaitakewasi Guyau la Buliyoyova. E metoya osi loula budotala budotala mabudosina biloulasi osi boda wala titoulesi makawala wala kala leilai kabasi osi tuta vaiwasi osi kabosikaiwa, budotala budotala okasi kasa wala bililoulasi deli si doya.
18-24 E mapilana opilikwaibwaga matausina bisisuaisi otalila doya miyana Epereim la boda ibodi bibudaisi si kabosikaiwa osi boda wala titoulesi deli kasi tokaraiwaga. Ka, baisa makawala kala takasa.
 
Dala Tokugwad Kasi Bawa
Epereim Elisama 40,500
Manasa Gamalieli 32,200
Beniamina Abidani 35,400
Kasi bawa iboda. 108, 100.
 
Otubolousi Yuda sola Rubeni si boda, Epereim la boda bilouyasi otubolousi.
25-31 E opiliyavata, matausina bisisuaisi otalila doya miyana Dani la boda, iboda bibudaisi si kabosikaiwa osi boda wala titoulesi deli wala kasi tokaraiwaga. Ka, baisa makawala kala takasa.
 
Dala Tokugwae Kasi Bawa
Dani Aiesa 62,700
Asera Pagieli 41,500
Napitalai Aira 53,400
{ Kasi bawa iboda.} 157, 600.
 
E Dani la boda bivabodasinim.
32 E komwaidona mina Isireli mabudosina ikalumgugolaisi kasi bawa 603, 550. 33 Makawala Guyau bogwa eiluki Mosese, mina Libai wala gala ikalumgugolaisi deli dala madilasina.
34 Mapaila mina Isireli ivagaisi komwaidona avaka Guyau eikaraiwogi Mosese. Matausina ibudaisi si kabosikaiwa budotala budotala otalila wala si doya titoulesi deli osi loula ililoulasi osi boda wala titoulesi.
b 2:3-9 (Nasoni matauna Aminadaba latula, Netaneli matauna Suwa latula, Eliabi matauna Eloni latula.) c 2:10-16 (Elisura matauna Sedeuri latula, Selumieli matauna Surisadai latula, Eliasapi matauna Deueli latula.) d 2:18-24 (Elisama matauna Amiuda latula, Gamalieli matauna Pedasura latula, Abidani matauna Gidioni latula.) e 2:25-31 (Aiesa matauna Amisadai latula, Pagieli matauna Okirana latula, Aira matauna Enani latula.)
☰