111
Kala yakaula Guyau
Kala yakaula Guyau!
 
Banokagutoki baisa Guyau deli nanogu komwaidona
metoya osi sigugulaj la tomota.
Saina kabokatubau vavagi makwaisina Guyau iuvagi!
Komwaidona matausina availa availa imwasawasi paila makwaisina magisi wala bikatetasi.
Komwaidona avaka avaka iuvagi ivakasau kala taimamila deli iyomitali la giyouveka,
e la mitukwaibwaila ikanuvagasi.
 
Guyau gala wala itagwala bitalumwelavaisi makwaisina kabokatubau avaka eiuvagi,
e matauna toninabwaila deli tonokapisi.
Isaiki kaula baisa matausina availa availa itemmalaisi matauna.
Matauna gala avai tuta bilumwelavi la kabutu.k
Matauna iyomitali la peula baisa la tomota,
avai tuta isaiki matausina si pwaipwaia togilagala.
 
Komwaidona avaka avaka eiuvagi matauna tokimadagi deli toduwosisia.
Komwaidona makwaisina la karaiwaga ibodi bitadubumaisi.
Makwaisina bisisu tuta gala kala kalitutila,
e isaiki makwaisina karaiwaga metoya ola biga kwekamokwita deli la mitukwaibwaila.
Eitaneku la tomota,
deli ivagi kabutu kwekanigaga deli matausina.
Matauna tobumaboma deli topeuligaga goli.
 
10 Kidamwa magida bitakabitam ibodi bitatemmali Guyau.l
Availa availa ikabikuwolaisi makwaisina la karaiwaga, ivigaki matausina bininitalapulasi.
Ibodi bitayakawoli Guyau tuta gala biwokuva. +
j 111:1 Kugisi Sam 26.12. k 111:5 Kugisi Sam 25.10. l 111:10 Kidamwa magida bitakabitam, ibodi bitatemmali Guyau.Gagabila bitagini, “Taimamila baisa Guyau baisa goli kabitam mokwitatoula.” + 111:10 111.10 Yob 28.28; Big 1.7; 9.10