133
Kala yakaula kalubaila
Wo, ina bwainigaga kidamwa yakidasi Yaubada la tomota bitasisuaisi deli bitaveyawasi gulitinidesi!
Baisa saina bwainigaga!
Ivigaki makawala bulami
eibubusi metoya Eroni odabala deli okala gabula,
e ibubusi wala ila okala kwama okaigadula kaiyola.
Ivigaki makawala numla odabala makwaina Koya Emoni,q
ikikapusiga iloula Saiyoni okoyala makwaisina.
Makwaina goli ambaisa Guyau eikatotila bimitukwaiyaidasi,
bisakaidasi momova makwaina gala avai tuta biwokuva.
q 133:3 Kugisi Sam 29.6.