141
Koyavi nigadela
Mwa Guyau! Adou baisa yoku. Kupilasaigu tuta baisa!
Kunakaigalaigu avai tuta badou baisa yoku.
Bukulagi ulo nigada imweimwena baisa yoku makawala maiina simasimina.g
E bukugisi yamagu makweyasina lakoulailah asisakaim makawala koyavi kala lula. +
 
Mwa Guyau! Kusaili toyausa owodogu,
e toyamata obilubalogu.
Kuyamataigu taga batugwalaigu mwada basula,
kaina batoulala osi deili matausina tomitugaga osi mitugaga.
E yeigu gala avai tuta ibodi bapaka okasi paka.
 
Kaina bibodi taitala tau bwaina wala bimipukwaigu deli bikamitilakaigu metoya ola ninabwaila,
mitaga gala wala avai tuta batagwala matausina tomitugaga bitemmalaigusi.
Paila tuta komwaidona aninigada mwada bukusilibodi si mitugaga.
Avai tuta tilaula biyosisi matausina tomitugaga kasi tokwaraiwaga,
e bilavaisi bilosi watanawa metoya oraibwaga,
e matutona goli tomota bisimokwitasi kidamwa ulo biga baisa biga mokwita wala.
Makawala kai ibobwaisi deli itammisaisi,
e makawala goli totuwanesi ikatumkumkwaisi owodola lagi.
 
Mwa! Guyau ulo Yaubada, tuta komwaidona adubumaim wala.
Anigadaim bukukolaigu,
e gala bukutagwala bakaliga.
E kukolaigu metoya makaisina sikula bogwa eileiyasi paila yeigu,
metoya osi buluva matausina tovagisi mitugaga.
10 Ibodi wala tomitugaga biwaisi wala okasi sikulai titoulesi,
e yeigulaga bala gala avaka biyogagaigu.
g 141:2 Kala gigisa makawala tubumyou, bigabwaisi okabolula, e mseu bimweimwena bivigaki kabutuvitusila ninigada. h 141:2 Baisa kasi gulogula otutala ninigada. + 141:2 141.2 YG 5.8 i 141:10 Kugisi tuvaila Sam 7.15-16.