16
Todubumi la nigada
Mwa Guyau! Bukukolaigu. Adubumaim wala kidamwa gala basilagi.
Aluki Guyau kawagu, “Yoku ulo Guyau,m
e komwaidona vavagi bwaina avaka avaka laiyosi leimaisi metoya baisa yoku.”
 
Guyau la tomota tokimadagi, matausina saina bwainigaga.
O kidamwa basikaili matausina.
Baisa bivigaki ulo mwasawa sainela.
 
Availa availa matausina isakaulasi bilokaiasi yaubada ituwoli ituwoli,
e matausina goli ibudobodasi bidubadu vavagi mwau.
Yeigu gala batoulala deli matausina tutala bigabwaisi si lula,
e gala batapwaroru baisa si yaubada minasina.
 
Mwa Guyau! Nanogu kammwaleta wala yoku,
e yoku kusisakaigu vavagi komwaidona avaka bibodaigu.
Adubumaim wala kidamwa bukuyamataigu lagaila e tuta gala biwokuva.
Bobwailila makwaisina avaka lokusakaigu saina kabokatubau.
Saina bwaina goli vavagi makwaisina.
 
Aiyakawoli Guyau paila iuvakadaigu,
e wa bogi nanogu kala mimilakatila iyoluluwaiyaigu.
Tuta komwaidona alumkoli Guyau isikailigu.
Matauna isividulaigu, e gala gagabila avaka bimotitanaigu. +
 
Mauula anokagutoki e imwamwasila nanogu,
e agu lumkola bwaina sainela, gala avaka gagabila biyogagaigu.
10 Paila yoku kukolaigu metoya kaliga kala peula.
Yoku goli gala bukutugwalaigu, yeigu tombwailim goli, kidamwaga bala mapilana Tuma.n+
 
11 Bogwa bukuvitulokaigu keda makadana kedala momova.
Yoku kusikailigu mauula nanogu imwamwasila sainela,
e mapaila alumkoli mwasawa, mwasawa gala biwokuva, bikanigaga.
m 16:2 Guyau…Guyau: Kugisi Sam 8.1 kala katumiki. + 16:8 16.8-11 VA 2.25-28 n 16:10 Kugisi Sam 6.5. + 16:10 16.10 VA 13.35