25
Nigada paila vakeda deli kabokwala
Mwa Guyau! Aninigada baisa yoku.
Adubumaim wala yoku ulo Yaubada.
Kukolaigu taga bammosila paila ulo mama.
Taga kutagwala agu tilaula biyosokanaigusi.
Matausina availa availa saina nanakwa bikosomapwaimsi,
matausina goli bimamasi okabilia.
Mitaga matausina availa availa idubumaimsi gala wala bimamasi.
 
Mwa Guyau! Kuvitulokaigu m kidakeda,
e kuyomitali makadasina baisa yeigu.
Kuvitulokaigu kidamwa babububuna makawala m biga kwekamokwita.
Paila yoku ulo Yaubada, yoku goli kukwatumovaigu.
Yeigu tuta komwaidona adubumaim.
 
Mwa Guyau! Kululuwai m ninabwaila deli m mitakwai,
makwaisina bogwa lokuyomitali omitibogwa e lagaila.
Kuligaiwa ulo mitugaga deli ulo sula makwaisina igau otubovaugu.
O Guyau, metoya om mitakwai deli om bobwailila kululuwaigu!
 
Matauna Guyau ivituloki tomitugaga keda duwosisia
ibodi matausina bibokulaisi,
paila uula Guyau matauna tomitukwaibwaila deli giyoubwaila.
Matauna iuvakadi matausina ninasi watanawa okedala duwosisia,
deli ivituloki nanola baisa matausina.
10 Metoya ola kimadagi deli la yebwaili,
matauna iuvakadi komwaidosi availa availa iuvagaisi makawala la kabutun
deli ikabikuwolaisi la karaiwaga.
 
11 Mwa Guyau! Kuvagi makawala m biga katotila e kuligaiwa ulo mitugaga.
paila saina wala bidugaga makwaisina.
12 Availa availa matausina ikabikuwolaisi Guyau
bitakutusi metoya baisa matauna avai keda wala ibodi bibokulaisi.
13 E matausina tuta komwaidona biyubwailasi,
e deli litusia bisigagasi mapilana valu.o
14 Guyau ikalubaili matausina availa availa ikabikuwolaisi matauna,
e ikatukikiti la kabutu baisa matausina.
 
15 Yeigu akowana baisa Guyau paila la pilasi tuta komwaidona,
e ikolaigu metoya okabosilagi.
16 Mwa Guyau! Kutovilakaigu deli kunokapisaigu,
paila uula wala yeigu asigumalawa e deli ulo mama.
17 Kukwatigam lopogu metoya ogu nokubukubu,
deli kukwatumovaigu metoya agu mwau komwaidona.
18 Kuninamsi kala kaikai nanogu deli agu mmayuyu,
e bukuligaiwa ulo mitugaga komwaidona.
 
19 Kugisi kasi bawa agu tilaula,
e kuvitusi ammakawala kala vakaila matausina
eivigakaigusi tokukolosi yeigu.
20 Ka, lamakaiam paila bakwala,
mapaila kukolaigu deli kukwatumovaigu,
e kuyamataigu taga bamama.
21 Ibodi ulo bubunela bwaina deli ulo kamokwita bikolaigu,
paila uula wala adubumaim.
 
22 Mwa! Yaubada, kukwatumovi m tomota mina Isireli
metoya okasi mwau komwaidona!
n 25:10 Yaubada eikabutu deli mina Isireli wa koya Sinai, e tomota eikatotilasi bivagaisi makawala kabutu makwaina tuta gala biwokuva; kugisi Sun 24.3-8. o 25:13 Mapilana viluwela Kenani Yaubada eikatotila bisaiki la tomota bivigaki si pwaipwaia.