52
Yaubada toyakala deli tonokapisi
Mwa! Yoku todabala, avaka paila kukwaluvalova paila m mitugaga?
Yaubada la bobwailila kwekanigaga.
Kuninanamsa paila bukuyogagi tuwoli tomota.
Mayem makawala kutou kaikakata.
Yoku tuta komwaidona kutamituli sopa.
Vavagi gaga kuyebwaili sainela mitaga vavagi bwaina kuyebwaili sitana wala,
deli sopa kuyebwaili sainela mitaga kamokwita kuyebwaili sitana wala.
Yoku tosasopa! Kuyebwaili wala bukuyomiyuyu tomota metoya om biga.
 
Mapaila Yaubada biyogagaim tuta gala biwokuva.
Matauna bilitakaim e bikatusobwaim metoya om bwala.
Matauna bikatupalaim metoya osi valu tommomova.
Tomitukwaibwaila bigisaisi baisa e bikokolasi.
Oluvi matausina bigigilaimsi deli bikaibigasi kawasi,
“Kugisaisi, tau matauna gala ikanuvateta baisa Yaubada paila bikwala,
mitaga idubumi wala saina bidubadu la guguwa
deli inevi la kabokwala metoya ola bubunela gaga.”
 
Yeigu goli makawala kaitala makaina olibep isususina olumoulela Yaubada la bwala.q
Yeigu adubumi Yaubada la mitakwai tuta gala biwokuva wala.
Mwa Yaubada! Tuta komwaidona banokagutoki baisa yoku paila avaka bogwa lokuvagi.
Yeigu bakamituli baisa omitasi m tomota
mwada yoku Giyoubwaila.
p 52:8 Baisa kabutuvitusila kaisisu bwaina. q 52:8 Bwala Kwebumaboma mapilana Yerusalem.