6
Nigada paila pilasi otutala mwau
1 Mwa Guyau! Gala bukugibuluwaigu deli bukukwavilakaigu!
E gala bukumipukwaigu metoya om gibuluwa!
2 Mwa Guyau! Yeigu bogwa lasomata. Kunokapisaigu!
Kukwatupewolaigu paila yeigu mokwita wala bogwa leimata wowogu
3 deli tomwaidogu wala agu lumkola saina mwaugaga.
Mwa! Guyau, ki - ammakawalaga kala woloula bukutulotula e oluviga bukupilasaigu?
4 Mwa Guyau! Kuma kukwatumovaigu,
e om nokapisi bukukolaigu metoya okaliga.
5 Paila gala availa biluluwaim metoya mapilana Tuma,
e gala wala availa biyakawolaim metoya baisa.
6 Yeigu bogwa lasomata valam.
Bogi kwaitala kwaitala kabagu iyopututu wala metoya ogu valam,
e mitilagigu ikota wala ogu kwabaikunu.
7 Gala gagabila bagisibwailaki avaka.
Paila matagu bogwa isupilaki
metoya ogu valam avaka agu tilaula eivigakaigusi.
8 Yokomi tomitugaga, gala wala bukumakaiagusi.
Guyau ililagi ulo valam.
9 Inakaigali ulo dou paila pilasi
e bogwa bimapu ulo nigada.
10 Agu tilaula igau bilumkolaisi saina mmosila paila bogwa bimamasi,
e igau bitakainowasi wala,
paila Yaubada bibokavili e bisakaulasi bilosi.