62
Tadubumi Yaubada kada taboda
Bavinagai paila Yaubada bikolaigu.
Yeigu akakana baisa wala matauna kalamwaleta.
Kalamwaleta wala Yaubada itabodaigu e ikolaigu.
Matauna wala agu taboda,
deli gala avai tuta bamama.
 
Ki, ammakawala woloula komwaidomi bukuwawaigusi?
Paila yeigu ulo peula makawala kwaitala kali kwedadaimi.
Yokomi mesinaku wala kudokaisi mwada bukuvabwaigusi metoya ogu kwabosisu walakaiwa.
Yokomi kuyebwailisi wala sopa.
Yokomi kami udokaiwa wala kukwabwailigusi,
mitaga olumoulemi kubulotaigusi wala.
 
Yeigu akakana wala baisa Yaubada kalamwaleta,
e ulo pikwaku basaili baisa wala matauna.
Kalamwaleta wala Yaubada itabodaigu e ikolaigu.
Matauna wala agu taboda,
deli gala avai tuta bamama.
Agu kwatumova deli agu taimamila metitoya baisa Yaubada.
Matauna agu tokwala topeula.
Matauna ulo kabokwala.
 
Yokomi ulo tomota,f kudubumaisi Yaubada tuta komwaidona.
Kukwamitulaisi komwaidona kami mwau baisa matauna,
paila matauna da kabokwalasi.
 
Tomota komwaidona makawala tiliawai wala.
Gweguya deli tokai makawala wala gala isim dimlesi.
Kusaili matausina odabala kaivisaikola e gala wala mokaisi.
Yagisa goli isim mokaila, mitaga matausina gala wala mokaisi.
10 Taga bukudubumaisi mi gasisi,
e taga bukunakusisi mwada bukubanaisi avaka metoya olubulebu.
Kaina goli mi guguwa bukukwatumkulovi,
mitaga gala bukudubumi vavagi makwaisina.
 
11 Mimilisi tuta lalilagi Yaubada eilivala
kidamwa peula baisa matauna la vavagi,
12 deli kidamwa la yebwaili gala isim kala kalitutila.
Mwa Guyau! Yoku wala titoulem kumapu tomota taitala taitala
makawala avaka bibudoki la wotetila. +
f 62:8 Matauna guyau Debida ililivala baisa la tomota mina Isireli. + 62:12 62.12 Yob 34.11; Yer 17.10; Md 16.27; Rm 2.6; YG 2.23