92
Wosila yakaula
Mwa Guyau! O ina bwaina bakanokagutokisi baisa yoku,
bakawosisi kam taimamila, yoku ma Yaubadasi Towalakaiwa sainela,
e bakakamitulaisi m mitakwai kaukwau kwaitala kwaitala,
deli m kimadagi bogi kwaitala kwaitala,
deli butula metoya gita
e deli butula bwaina sainela wa yuka.
Mwa Guyau! M vavagi topilaveka ivigaki bamwasawa,
e ausiwosi deli ulo mwasawa paila uula avaka bogwa lokuvagi.
 
O Guyau, bogwa layakaula paila avaka avaka bogwa lokuvagi,
deli avaka avaka lokuninamsi vavagi topilaveka goli.
Vavagi makwaisina taitala tonagowa gala wala ibodi binikoli,
e toninitaboda gala ibodi bitalapula nanola.
Tomitugaga bisusinasi makawala mnumonu,
e kaina availa availa matausina ivagaisi sula biyubwailasi.
Mitaga bidoumlabasi komwaidosi,
paila yoku wala Guyau Giyoumatala deli Tosivagasi yoku.
 
Kanikolaisi kam tilaula bikaligasi,
deli komwaidona tomitugaga bimamasi.
10 Bogwa lokuvigakaigu bapeula makawala bulumakau nagigasisi.
Bogwa lokumitukwaiyaigu kusakaigu mwasawa.
11 Yeigu bogwa lagisi si mama agu tilaula
deli bogwa lalagi si wakula tomitugaga.
 
12 Tomitukwaibwaila bisagusi makawala pulopola,
e bikaitubwasi makawala kweisila mapilana Lebanoni.z
13 Matausina makawala kai ivalaisi Guyau ola bwala,
makaisina isugusagusi ola Bwala Kwebumaboma da Yaubadasi,
14 e makaisina iuwasi wala kaiuwasi tutala eikaitomoyasi,
deli tuta komwaidona kaigigeyata deli kaipapeula.
15 Baisa iyomitali Guyau toduwosisia,
e gala kwaitala sula isisu baisa matauna agu tokwala.
z 92:12 Idokaisi kweisila makaisina saina kaipapeula deli kaiminibwaita, ikibuboti avaka bibudoki tomota si bubunela; kugisi Sam 29.5.