7
Isaka dalela
1 Isaka litula taivasi. Tola, Puwa, Yasuba, deli Simroni.
2 E Tola litula tailima taitala. Usisi, Repaia, Yerieli, Yamai, Ibisam, deli Semueli. Komwaidosi matausina tommoyela nunu kwaitala kwaitala metoya odalela Tola, deli matausina matala gidageda. Ola tuta Guyau Debida eiguguyau dala madalana kasi bawa 22,600.
3 Usisi latula taitala wala, yagala Isiraia. Isiraia litula taivasi Maikeli, Obedaia, Yoweli, deli Isia, komwaidosi wala dala tommoyela.
4 Matausina si kukova deli litusia saina wala bidugaga e odalesi titoulesi bogwa eiboda kasi bawa makawala 36,000 paila bikabiliasi okawakali.
5 E giniginila livalela komwaidona madalasina Isaka dalela kasi bawa tauwau mokwita 87,000 matausina goli eibudoki kabikabi okawakali.
Beniamina deli Dani dalesi
6 E Beniamina litula kasitaitolu. Bela, Bekeri, deli Yediaeli.
7 Bela litula kasitailima. Esiboni, Usisi, Usieli, Yerimoti, deli Iri. Matausina tommoyesi dala deli komwaidosi wala matala gidageda. Dalesi kasi bawa makawala 22,034 matausina ibudoki kabikabi okawakali.
8 Bekeri litula kasitailima kasitaivasi. Semira, Yowasi, Eliesa, Eliowenai, Omri, Yeremoti, Abia, Anatoti, deli Alemeti.
9 E giniginila livalela komwaidosi madilasina Beniamina deli Dani dalesi kasi bawa tauwau 20,200 matausina ibudoki kabikabi okawakali.
10 Yediaeli latula taitala wala yagala Bilani, e Bilani litula tailima taiyu. Yeusa, Beniamina, Eyuda, Kenaana, Setani, Tasisi, deli Aisaara.
11 Matausina tommoyesi dala e komwaidosi wala matala gidageda. Dalesi kasi bawa makawala 17,200 matausina ibudoki kabikabi okawakali.
12 Supim deli Upim tuvaila isisuaisi madilana wala.
Dani latula taitala wala yagala Usim.
Napitalai dalela
13 Napitalai litula taivasi. Yasieli, Guni, Yesera, deli Salum. (Matausina dalela minana Bilia.)
Manasa dalela
14 Manasa litula leiuni metoya baisa minana vilela Aramia la ula eivigaki makawala la kwava kasitaiyu Asirieli sola Makia. Makia latula Giliadi.
15 Makia matauna tobubula si veivai Upim sola Supim. Matauna luleta yagala Maaka. Makia taiyuwela latula yagala Selopeyadi, mitaga matauna litula vivilawokuva wala.
16 Minana Maaka, Makia la kwava, iuni litula taiyu, e ivabwaisi yagasi Peresa sola Seresa. Peresa litula taiyu, Ulam sola Rakem.
17 Ulam latula taitala yagala Bedani. Matausina komwaidosi Giliadi dalela, matauna Makia latula deli Manasa tabula.
18 Giliadi luleta Ammoleketi eiuni litula taitolu. Isodi, Abiesa, deli Mala.
19 (Semida litula taivasi. Aiani, Sekem, Liki, deli Aniam.)
Epereim dalela
20 Baisa matausina Epereim dalela metoya tubwa tubotala tubotala. Sutela, Beredi, Taata, Eleadai, Taata,
21 Sabadi, Sutela. Epereim litula Sutela e taiyu tuvaila yagasi Esa sola Eleada matausina ivigikonaisi biveilauwaisi si bulutuvalu mina Gata tolivalu e mina Gata ikatumataisi matausina.
22 E tumasi Epereim inigabubu yam bidubadu paila matausina, e veyala imaisi paila biyomwasalaisi nanola matauna.
23 Oluvi matauna imisiivau la kwava, e minana isuma e iuni latula tau. Matausina idokaisi yagala Beraia, paila uula mwau makwaina eikaloubusi osi kaukweda.
24 Epereim natana latula vivila yagala Sira. Minana eibudi valu mavilousina Betorona Walakaiwa deli Betorona Otalawa, deli Useni Sira.
25 Epereim latula tuvaila taitala tau yagala Repa, matauna dalela kala takasa makawala Resepa, Tela, Taana,
26 Ladani, Amiuda, Elisama,
27 Nuni, Yosuwa.
28 E si kabokaraiwaga makatupouna leiyosisi deli leisikaisi ikoguliki Beteli deli valu mavilousina opapala, eisuwa opilibomatu ila itobu Naarana deli isuwa opilikwaibwaga ila itobu Gesera deli valu mavilousina opapala. Tuvaila ikoguliki mavilousina Sekem deli Aiya, deli valu mavilousina opapala.
29 Manasa dalela ikaraiwogaisi mavilousina Beta Sani, Taanaki, Megido, deli Dora, deli goli valu mavilousina opapala.
E dalela Yosepa matauna Yekobe latula isikaisi komwaidona mavilousina.
Asera dalela
30 Matausina Asera dalela. Matauna litula taivasi Imna, Isiva, Isivi, deli Beria; e lusita natana yagala Serai.
31 Beria litula taiyu Ebera sola Malikieli. (Malikieli matauna totai valu Birisaiti.)
32 Ebera litula taitolu. Yapileti, Somera, deli Otam; lusita natana yagala Suwa.
33 Yapileti litula taitolu. Pasaka, Bimali, deli Asivati.
34 Bodala yagala Somera litula taitolu. Roga, Yeuba, deli Aram.
35 Bodala taiyuwela molagwadi Otam litula taivasi. Sopai, Imna, Selesa, deli Amali.
36 Sopai dalela matausina Suwa, Anepa, Suwala, Beri, Imra,
37 Besera, Odi, Sama, Silisa, Itirani, deli Biera.
38 Yetera dalela Yepunei, Pisipa, deli Ara,
39 e Ula dalela. Arai, Anieli, deli Risia.
40 Komwaidosi matausina Asera dalela. Matausina dala tommoyela, deli matala gidageda matausina tokugwa isim kasi nikoli. Asera dalela matausina eibudoki bikabisi okawakali kasi bawa 26,000.