4
1 Lubaigu, saina wala namatabwaila yoku!
Migim lokukwapoli, mitaga matam lagigisi ivivivilasi
e saina wala migimbwailigu yoku.
Kulum leiuwaimimila makawala yuwotala gota
leidadailisi metoya wa koya Giliadi.
2 Kudum pupwakaula makawala sipi
minasina makateki wala leiviliwaisi unuunusi deli leivakakaiyaisi.
Gala kaitala kudum isasa, komwaidona wala saina kasakutukutu.
3 Bilubalom makawala mokakana bweyanila;
e avai tuta bukubigatona, saina bwaina kala gigisa bitatai.
E bwaikwanelaga kimwam lokukwapoli.
4 Kaiyom makawala Debida la kabovatoi bolela,
kaibobuta deli kaidudubuna.
Deli makatupona kam kuwekuwa makawala
lakatuluwotala vayoula eitavina eitapatu.
5 Nunum nupiakwa, makawala nupoyu dia nabwegigia
minasina eikikabubunasi opoulela bwaimwara.
6 Yeigu bakanuvagasi wala okoyala mro deli okoyala makaisina maiina simasimina,
tatoula wala bulubuvisiga bimya kala siwonumla bima
e kawala yam biyumkwaigu.
7 Ve, lubaigu, saina namatabwaila yoku,
yoku kutubosaki goli!
8 Ve, kagu vaigwadi, kumakaiagu bitabusi metoya koyala Lebanoni,
kubusi kuma metoya odubiluwotala Koya Amana,
metoya Koya Seniri deli goli Koya Emoni,
baisa laiyoni deli lepodi si valu.
9 Ve lubaigu, yoku agu vaigwadi,
matam kumitakavataigu deli kam kuwekuwa makatupona lokusisikoma,
baisa saina ikikau nanogu.
10 Ve, lubaigu, yoku agu vaigwadi, agu yebwaili lokuuvagi,
kaitigamla lopogu.
m yebwaili kala bwaina ikalisau waini kala bwaina,
e m bulami maiinela ikalisuwoli vana komwaidona.
11 Ve, lubaigu, kakamwenala bilubalom makawala kitorina kala sumokainia,
e mayemga, makaina agu nunu deli agu kitorina.
Deli kam kwarekwa kala simasimina makawala avai bulami avai bulami olopola Lebanoni.
12 Lubaigu saina ayebwaili, minana agu vaigwadi,
minana makawala kwaitala ulo gubokaeki.
Akubibi kalila atavini atapatu,
deli agumwaleta wala agu utuwotu.
13 E bagula makwaina ivasusuni kai, makaisina ikaivakavekasi
makawala gigiku e kaiuwasi saina kwaimmanabwaita.
E makaisina vana gala kasi kweluva,
bititasusilasi wala, silumwaiya, narida,
14 Kubila, bonagai deli gau kaina avai vana avai vana maiina simasimina.
Mro deli lileikoya baisala mesususinasi deli goli
komwaidona avai vana avai vana saina kaisimasimina.
15 E sopi igigibwabula ivinumli bagula,
sopi yeluyelu ititayelusi
e sakala ititayelusi metoya koya Lebanoni.
Vivila
16 Yavata, kutokaia.
Bolimila, kuuu kuma kuvisi ulo bagula,
e maiina simasimina bipuyumi valu.
Kuvagaisi lubaigu bima ola bagula
e bikam kalamatabwaila.