10
Noare ɋâricfâc
(Bin I 1:5–23)
1 Noa ŋokâfâcne jaŋere ɋâricfâc jaŋere ʒâŋe biri ʒine hâcne: Sem, Ham â Jafete jaŋe rumi sâkozi omaewec irec faicnao ŋokâ fua‐jarembiŋ.
2 Jafete ere ŋokâfâc jaŋere ʒâŋe ʒiŋuc: Gomera, Magogo, Madai, Jawaŋ, Tubali, Meseke â Tirase.
3 Gomera ere ŋokâfâc ine Asakenasi, Rifata â Togama.
4 Â Jawaŋte ŋokâ jahec ine: Elisa â Tarasisi; jaheraonec Kitim â Dodanim ŋicguru fuambiŋ.
5 Jaŋeraonec guru gâcne gâcne fua rambiŋ, mâreŋ‐jeŋic sâc â dâŋjeŋic sâc â kikefuŋ guru‐jeŋic sâc, jaŋe Jafetere ɋâricfâc hâcne.
6 Ham ere ŋokâfâc jaŋere ʒâŋe ʒiŋuc: Kusu, Miziraim, Puti â Kanaaŋ.
7 Kusure ŋokâfâc ine Seba, Hawila, Sabita, Rama â Sabateka. Â Ramare ŋokâ jahec jahere ʒâŋe ine Seba â Dedaŋ.
8 Kusure bifuŋko ine Nimorodi fuawec, eki hâcne mâreŋko ŋicwofuŋ fekicne juju i fuŋkewec.
9 Nimorodi e Wofuŋte maio wosaŋeŋ bapa kâcɋene juwec, irec ŋic jaŋe ere qâqiŋ qahuc ʒiŋuc mujumbieŋ: “Wofuŋte maio wosaŋeŋ bapa kâcɋene, Nimorodi ere sâcko.”
10 Uucmaŋ‐ticnere fufuŋke hae barawec ine Babe, Ereki, Akada â Kalene, jaŋe sasawa Sina mâreŋko ŋerambiŋ.
11 Irecnec rarâ Asiria mâreŋko fisirâ hae biri moc ʒiŋuc bâfua rawec: Niniwe, Rehoboti‐Iri, Kala
12 â Reseŋ, izi Niniwe â Kala ŋondeŋ‐jekicko ŋekac erâ hae sâko jâmbâŋ.
13 Â Miziraim ere ɋâricfâc guru sâc ʒâŋe‐jeŋic ʒiŋuc: Ludi, Anami, Lehabi, Nafituhi,
14 Patarusi â Kasiluhi. Jaŋeraonec Filisa â Kafatori jaŋe fua sawec embiŋ.
15 Â Kanaaŋ ere mârâc motec ine Sidoŋ â ere râpeo ine Heti erâ guru gâcne ʒiŋuc:
16 Jebusi, Amori, Girigasi,
17 Hiwi, Areki, Sini
18 â Arawadi, Semari â Hamati, guru iŋuc fua rambiŋ. Eme faicnao Kanaaŋ ere ɋâricfâc jaŋe râwiŋnehuc qaratierâ jurambiŋ.
19 Kanaaŋ ŋicguru jaŋere mâreŋ qaŋeŋnezi Sidoŋ haeonec fuŋkerâ hae ʒiŋuc fotâcne rakac: Gerari, Gaza, Sodom, Gomora, Adama, Seboim â Lasa. Ira tarakac.
20 Hamte ɋâricfâc jaŋe iŋuc, guru‐jeŋic sâc â dâŋjeŋic sâc erâ mâreŋ‐jeŋic sâc biric‐jopa wahakicne.
21 Jafete hahac‐ticne Sem, Ebere ere ɋâricfâc jaŋere mamac fuŋfuŋ, ere ŋokâfâc wâc fuambiŋ.
22 Sem ŋokâfâcne jaŋere ʒâŋe ʒiŋuc: Elam, Asihuru, Arapakisa, Ludi â Aram.
23 Aram ere ŋokâfâc ine Usi â Hulu, Getere â Masi.
24 Arapakisa ere bifuŋko ine Sela â Sela ere bifuŋko ine Ebere.
25 Â Ebere ere ŋokâ ine jajahec fuapic, moc ʒâŋe‐ticne Pelege mukicne, ere dameŋko mâreŋŋic fâucke râwiŋ embiŋte. Ɋaticnere ʒâŋe ine Jokataŋ.
26 Jokataŋ ere bifuŋko fuambiŋ ine ʒiŋuc: Alamoda, Selefe, Hazamawe, Jera,
27 Hadoram, Uʒali, Dikila,
28 Obali, Abimae, Seba,
29 Ofiri, Hawila â Jobabe; ŋic keci jaŋe Jokataŋ ere ŋokâfâc sasawa.
30 Fic hae biri‐jeŋiczi ʒoaŋ wewefunaopec tiki mâreŋko Mesanec fuŋkerâ ŋeraku Sefara ira tarakac.
31 Semte ɋâricfâc ine hâcne, guru‐jeŋic sâc â dâŋjeŋic sâc erâ mâreŋ‐jeŋic sâc biric‐jopa wahakicne.
32 Noa ŋokâfâc‐ticne jaŋere ɋâricfâc iŋuc, kikefuŋ gurune gurune fuambiŋ sâc râec‐jopa wahakicne. Rumi sâko fisiwec irec faicnao jaŋeraonec hâcne mâreŋŋic gurune gurune fua warembiŋ.