5
Setere ɋâricfâc
(Bin I 1:1–4)
1 Kecʒi Adamte ɋâricfâc jaŋere ʒâŋe biri papia: Anutuzi Adam bâfuawec dameŋ ira e jahacne hawarire sâcko hâcne bâfuawec.
2 Ŋic â ŋokac bâfuac‐jofarâ ʒâŋe‐jekic ŋic â ŋokac iŋuc mujacterâ jambuŋ‐jofawec.
3 Eme ŋic e jara 130 bazuhame ere bifuŋko ŋokâ moc, e jahacne sâc â hawari iŋucne fuawec, eme ʒâŋe‐ticne Sete muwec.
4 Adam e Sete fuawec dameŋ irecnec jara 800 ʒuhuckerâ juhame ere bifuŋko naru motec gâcne fua fembiŋ.
5 Adam e iŋuc jufeku jara 930 bazurâ hâmowec.
6 Sete e jara 105 bazume ere bifuŋko Enosi fuawec.
7 Sete e Enosi fuawec dameŋ irecnec jara 807 ʒuhuckerâ juhame ere bifuŋko naru motec gâcne fua fembiŋ.
8 Sete e iŋuc jufeku jara 912 bazurâ hâmowec.
9 Enosi e jara 90 bazume ere bifuŋko Kenaŋ fuawec.
10 Enosi e Kenaŋ fuawec dameŋ irecnec jara 815 ʒuhuckerâ juhame ere bifuŋko naru motec gâcne fua fembiŋ.
11 Enosi e iŋuc jufeku jara 905 bazurâ hâmowec.
12 Kenaŋ e jara 70 bazume ere bifuŋko Mahalale fuawec.
13 Kenaŋ e Mahalale fuawec dameŋ irecnec jara 840 ʒuhuckerâ juhame ere bifuŋko naru motec gâcne fua fembiŋ.
14 Kenaŋ e iŋuc jufeku jara 910 bazurâ hâmowec.
15 Mahalale e jara 65 bazume ere bifuŋko Jarede fuawec.
16 Mahalale e Jarede fuawec dameŋ irecnec jara 830 ʒuhuckerâ juhame ere bifuŋko naru motec gâcne fua fembiŋ.
17 Mahalale e iŋuc jufeku jara 895 bazurâ hâmowec.
18 Jarede e jara 162 bazume ere bifuŋko Enoko fuawec.
19 Jarede e Enoko fuawec dameŋ irecnec jara 800 ʒuhuckerâ juhame ere bifuŋko naru motec gâcne fua fembiŋ.
20 Jarede e iŋuc jufeku jara 962 bazurâ hâmowec.
21 Enoko e jara 62 bazume ere bifuŋko Metusela fuawec.
22 Enoko e Anutuhec ʒuʒuhuc jâmbâŋ jupic. Enokozi ŋokâ‐ticne Metusela fuawec dameŋ irecnec jara 300 ʒuhuckerâ juhame ere bifuŋko naru motec gâcne fua fembiŋ.
23 Enoko e iŋuc juku jara 365 bazuwec.
24 E Anutuhec ʒuʒuhuc jufeku sipuac ewec. I Wofuŋ e jahac jowawec hâcne.
25 Metusela e jara 187 bazume ere bifuŋko Lamec fuawec.
26 Metusela e Lamec fuawec dameŋ irecnec jara 782 ʒuhuckerâ juhame ere bifuŋko naru motec gâcne fua fembiŋ.
27 Metusela e iŋuc jufeku jara 969 bazurâ hâmowec.
28 Lamec e jara 182 bazume ere bifuŋko ŋokâ moc fuawec.
29 Fuame ʒiŋuc muhuc ʒâŋene Noa muwec: “Anutuzi mâreŋ sâweckewecte ʒâic busâqoc faio gie sâko bahuc juhapene motec eki bâmiriŋ‐nâpozejec!”
30 Lamec e Noa fuawec dameŋ irecnec jara 595 ʒuhuckerâ juhame ere bifuŋko naru motec gâcne fua fembiŋ.
31 Lamec e iŋuc jufeku jara 777 bazurâ hâmowec.
32 Noa e jara 500 bazume ere bifuŋko ŋokâ 3 fuambiŋ, ʒâŋe‐jeŋic Sem, Ham â Jafete.