45
Jeremiazi Baruku dâŋ âzâcnewec
1 Josiare ŋokâ Jojakim e Juda ŋicwofuŋ jume jara 4 eha Neriare ŋokâ Baruku e Jeremiazi dâŋ âzâcne mutâc ewec sâc i papiao qâreŋkewec. Ehame porofete Jeremia e dâŋ ʒiŋuc âzâcnewec:
2 “Wofuŋ, Israere Anutu e Baruku gore dâŋ ʒiŋuc mukac:
3 Go mukomec, ‘Jei, no ʒâic manahuc juhape Wofuŋ e wiac busâqocnehec ʒuhuckerâ râe‐narekac i! No kio huse eku dockerâ maŋfâsâc mi juekopac.’
4 Irec go Baruku âzâcnec, Wofuŋzi kecʒiŋuc mukac: Manakic, no wiac mupe fuawec i mocwâc sipirickeekopac, â wiac sarapo i mocwâc unuckeekopac, ine mâreŋ sasawa iŋuc ecneekopac.
5 Ehame go gahacne wiac fekicne fua‐gareocte egarekac me? I mi mac ezemec! Manakic, no mupe mâreŋŋic sasawa sisipiric fua‐jareocmu, go ine hae mâreŋ ira me ira ra sisipiric tâmiric jucmurâ mana‐garekopac.”