123
Anuturao ʒâŋe fizo
1 Sambâŋ eri ŋeŋegao ŋekomec;
gorao qâhâŋnerâ fipe hefakac.
2 Manakic, kiŋaŋ motec jaŋe bomboŋ‐jeŋicte
meo ʒâŋe fieŋgopieŋ,
â kiŋaŋ naru jaŋe ŋokac bomboŋ‐jeŋicte
meo ʒâŋe fieŋgopieŋ,
iŋuc hâcne Wofuŋ Anutu‐nâŋectao,
buuruc enâreocte ʒâŋe fihuc jueŋgopeneŋ.
3 Buuruc enârec, o Wofuŋ, buuruc enârec!
Ŋiczi suŋgiŋ‐nâpokupie gapec‐nâpokac.
4 Ŋic ʒoraŋne jaŋere âke sisicte
â ŋic maŋfefe jaŋere mururuc dâŋte
mâretec gapepec‐nâpokac.