129
Râsi jaŋe Israe kikefuŋ fific guguriŋ ecne‐bipiembiŋ
1 Israe e ʒiŋuc muzejec:
“Jaŋe ɋieonecteaŋ fific guguriŋ enarembiŋ,
2 jambomac, jaŋe ɋieonecteaŋ fific guguriŋ enarembiŋ,
erâ sifu mi bawahacnumbiŋ.
3 Jaŋe râpe‐naneo mâreŋ bâbâfâuc gie bahuc
wâcʒora bâfua rambiŋ.”
4 Eme Wofuŋ e ine tiŋne jukacte
ŋic sindaŋne repa‐jeŋic hetâcnewec.
5 Zioŋ qaisockeeŋgopieŋ jaŋe sasawa
qurutuarâ risie ranʒepieŋ.
6 Jaŋe ficbupuo qinʒiŋ fua fuahuc
hâmo ɋaŋac eekac irec sâc enʒepieŋ.
7 Qinʒiŋ i moczi moc mi qaeŋgopieŋ,
me bara bulimakao mi gumec‐jopaeŋgopieŋ.
8 Â sicne fotâc eeŋgopieŋzi ʒiŋuc mi mueŋgopieŋ:
“Wofuŋte jambuŋzi faigao feoc,
Wofuŋte ʒâŋeo jambuŋguŋgopeneŋ.”