15
Ŋic weniŋucnezi sâcne Wofuŋte maŋfuŋko juocmu?
1 O Wofuŋ, mozi qoruc bozegao ŋec foc eocmu?
Mozi tiri tikigao juocmu?
2 Bahacmâc juhuc wiac‐ticne ebac eekac,
â maŋticnaonec dâŋ fârinea utuekac eki.
3 Erâ nameŋnezi micko âkec dâŋ mi eekac,
me âgo‐ticne sâqocne moc mi ecneekac,
me qomâ‐ticne mi musoriŋkeekac ŋic iŋucne hâcne.
4 Erâ ŋic tuŋjopakicne jaŋere maname wahaekac,
â Wofuŋ araŋ bacneeŋgopieŋ jaŋe ine sâsec‐jopaekac;
erâ wâc Anuture maio dâŋ moc mupaŋkerâ,
ʒâhec honeme ŋemâckeme sifu fârine bâfuaekac.
5 Moc ine moneŋ‐ticne ŋic qikiŋne‐jareekac,
i okacne fehuc risiecneocte manasuhuc mi eekac;
erâ wâc ŋic bahacmâc ere dâŋ muhasickeocte
moneŋ râcnezo mupie qikiŋneekac.
Wiac iŋucne eocmu e qiŋ herâ domaocmu.