8
“Ŋic e wemomac‐ticnere manasucneekic?”
1 O Wofuŋ, Wofuŋ‐nâŋec, ʒâŋegere micʒonʒoŋ
mâreŋ sâc râreckehuc mo iŋucne fua rakac;
go hâcne ɋuŋ ɋasaŋge sambâŋko musokaŋgopieŋ.
2 Gegecne â susuonec jaŋere mickonec hâcne.
Kisâfâcge jaŋere erâ sacsanaŋ âkendâŋnemeŋ,
râsi â okac babazu ŋic dâŋ fâsâe‐jareocte.
3 Sambâŋko ʒâŋe fihuc meqâreŋge honekopac,
mosa â bâpiŋ basarickehuc râe rameŋ.
4 Go ŋic e wemomac‐ticnere manasucneekic,
â ŋicte ɋâric wemo‐ticnere hone maiŋ ecneekic?
5 Sifu bafahare gahacne wahamicnao râemeŋ,
ʒâŋe biŋe bâfuacnehuc tatamaczi erickemeŋ.
6 Meqâreŋgere guriŋ baocte mutaracnemeŋ,
wiac ʒeŋgoma kike‐ticnere rurumaŋko râemeŋ,
7 Iama bulimakao sasawa,
kâte qowi wâc iŋuc jaha.
8 Erâ wâc sawa wipe â hâwec qowi,
hâwecte hatagâŋko rac warec juekac,
wiac i mâmâc sasawa.
9 O Wofuŋ, Wofuŋ‐nâŋec, ʒâŋegere micʒonʒoŋ
mâreŋ sâc râreckehuc mo iŋucne fua rakac!