4
Juda ɋâricfâc‐ticne jaŋere ʒâŋe
1 Judare ŋokâfâc ine ʒiŋuc: Pereze, Hezoroŋ, Karami, Huru â Sobali.
2 Eme Sobali ŋokâ‐ticne Reaja e Jahatire mamac â Jahati e ine Ahumai â Lahada jahere mamac. Ŋic i jaŋe hâcne Zorati ŋic jaŋere garikiŋ guru.
3 Eme Etamte ŋokâfâc ine ʒiŋuc: Jesere, Isima â Idabasi; eme seŋjeŋicte ʒâŋe ine Hazeleponi.
4 Eme Penuele e Gedoro hae bawec â Eʒere e ine Husare mamac. Ŋic i jaŋe Efaratare mârâc ŋokâ Huru, Betelehem hae bawec, ere ŋokâfâc.
5 Eme Tekoa hae bawec ŋic ʒâŋene Asuru e ŋonâŋ jajahec rocjofawec, ʒâŋe‐jekic Hela â Nara.
6 Eme Narazi ŋokâfâcne ʒiŋuc rocjopawec: Ahuʒam, Hefere, Temeni â Hahasitari. Ŋic i jaŋe Narare ŋokâfâc sasawa.
7 Eme Helare ŋokâfâc ine ʒiŋuc: Zereti, Izara â Etenaŋ.
8 Eme Kozi e Anubu â Zobeba jahere mamac. Erâ Harumte ŋokâ Aharahele garikiŋfâc‐ticne jaŋere apa wâc mâmâc juwec.
9 Jabezi e hahac ɋafâcne jaŋere sâc sirickehuc fekicne juwec. Eme neŋgoc‐ticne e ʒiŋuc muhuctecne ʒâŋene Jabezi muwec: “No ʒâicmaŋko hâcne ropo.”
10 Eme Jabezi e Israere Anutu numucnehuc muwec, “No jambuŋnuhuc mâreŋ bâsoka‐narecmurâ numu‐garekopac. Go nohec juhaŋtec ʒâic â sisipiric tâmiric jupemurâ numu‐garekopac.” E iŋuc numume Anutuzi nunumu‐ticne manawec.
11 Kelubu e Suhare hahaczi Mehirire mamac â Mehirizi ine Esitoŋte mamac.
12 Eme Esitoŋ e ine Beterafa â Pasea jahere mamac. Eme Tehina eki ine Irinahasire mamac. Ŋic i jaŋe hâcne Reka haeonec.
13 Eme Kenaʒire ŋokâ jahec ine Otinie â Seraja. Eme Otinie ere ŋokâ jahec ine Hatati â Meonotai.
14 Eme Meonotai e Ofirare mamac â Seraja e ine Joabere mamac, Joabe eki hâcne Geharasim hae bawec. Jaŋe metâ bapa ŋic jumbiŋte hae ʒâŋe iŋuc mukicne.
15 Eme Jefune ŋokâ‐ticne Kalebe ere ŋokâfâc ine ʒiŋuc: Iru, Ela â Nam. Eme Elare ŋokâ ine Kenaʒi.
16 Eme Jehalele ere ŋokâfâc ine ʒiŋuc: Ʒifi, Ʒifa, Tiria â Asarele.
17 Eme Eʒerare ŋokâfâc ine ʒiŋuc: Jetera, Merede, Efere â Jaloŋ. Eme Meredezi Faraore otâ Bitia rome eki ŋokâfâcne kiwec‐joparâ rocjopawec jaŋere ʒâŋe ine ʒiŋuc: Miriam, Samai â Isiba. Eme Isiba e Esitemoare mamac.
18 Ehame ŋonâŋ‐ticne e Juda ŋokaczi Jerede rowec, eme eki Gedoro hae bawec, erâ Hebere rowec, eme eki Soko hae bawec â ʒuhuckerâ Jekutie rowec, eme eki Ʒanoa hae bawec.
19 Eme Nahamte seŋ, Hodiare ŋonâŋ hâcne ere ŋokâ jahec jahe Garami ŋic Keila â Makati ŋic Esitemoa jahere mamac jupic.
20 Eme Simoŋte ŋokâfâc ine ʒiŋuc: Amnoŋ, Rina, Beŋ‐Hanaŋ â Tiloŋ. Eme Isire ŋokâ jahec ine Ʒoheti â Beŋ‐Ʒoheti.
21 Eme Judare ŋokâ Sela ere ŋokâfâc ine ʒiŋuc: Ero, e Leka hae bawec, erâ Lada, e Maresa hae bawec, erâ Bete‐Asibea haeo qoruc qaŋqaŋ bahuc jumbiŋ jaŋere garikiŋfâc.
22 Erâ Jokim â Koʒeba ŋic â Joasi â Sarafa. Jaŋe Moabi mâreŋte ŋic fekicne juku Betelehem haeo risiembiŋ. (Binaŋ ʒi raŋɋane jâmbâŋ.)
23 Ŋic i jaŋe hâcne kuʒi bapa ŋiczi Netaim â Gedera haeo ŋec juc embiŋ. Jaŋe ira ŋicwofuŋte gie bahuc jumbiŋ.
Simeoŋ ɋâricfâc‐ticne jaŋere ʒâŋe
24 Simeoŋte ŋokâfâc ine ʒiŋuc: Nemuele, Jamiŋ, Jaribi, Ʒera â Saulu.
25 Eme Saulure ŋokâ ine Salum â Salumte ŋokâ ine Mibesam â Mibesamte ŋokâ ine Misima.
26 Eme Misimare ŋokâ ine Hamuele â Hamuele ere ŋokâ ine Ʒakuru, Ʒakurure ŋokâ ine Simei.
27 Simei ŋokâfâcne 16 â otâfâcne 6 jumbiŋ. Ɋafâcne jaŋere naru motecfâc ine bocjaha mi fuambiŋ, me jaŋere garikiŋfâc jaŋe Judaŋic jaŋere sâc wâc mi sawembiŋ.
28 Jaŋe hae ʒiŋuc ira jumbiŋ: Bere‐Seba, Molada â Haza‐Sua,
29 Biliha, Ezem â Tolada,
30 Betuele, Horima â Zikilaga,
31 Bete‐Makabo, Haza‐Susim, Bete‐Biri â Saraim. Jaŋe hae ira ŋeŋe juju ewefuhuc juhapie juku Dawidizi ŋicwofuŋ ewec.
32 Erâ ʒuhuckerâ hae‐jeŋic memoc ʒiŋuc ŋerawec: Etam, Aiŋ, Rimoŋ, Tokeŋ â Asaŋ.
33 Eme hae kâcɋene i jaŋe rârec‐jopahuc hae piic piic gâcne ŋerakupie Baali haeo fisiwec. Eme jaŋe hae ira ŋeŋe juju ehuc ŋic gaŋne gaŋne fua wefumbiŋ jaŋere ʒâŋe biri soŋaŋkepie fowec.
34 Ʒâŋe biri‐jeŋic ʒiŋuc fowec: Mesoba, Jamelec â Amaziare ŋokâ Josa.
35 Joele, Josibiare ŋokâ Jehu, e apa ŋosa jahecne ine Seraja â Asiele.
36 Elioenai, Jakoba, Jesohaja, Asaja, Adiele, Jesimiele â Benaja.
37 Erâ Sifire ŋokâ Ʒiʒa; e mamac ŋosa â apa ŋiric ŋurucfâcne jaŋere ʒâŋe ine ʒiŋuc: Aloŋ, Jedaja, Simiri â Semaja.
38 Eme ʒâŋe‐jeŋic mukicne ŋic i jaŋe guru‐jeŋicko ŋic fekicne jumbiŋ. Ehame garikiŋfâc‐jeŋic jaŋe mâretec sawembiŋ.
39 Eme jaŋe lama bulimakaofâc‐jeŋic jaŋere sopâc kecɋaŋ basarâ raku Gedoro hae heririŋ wâneŋ fowec ira fisimbiŋ.
40 Ehuc ira lama bulimakao jaŋere mâreŋ biaŋne â qatiekicne sâko nacgumo roroc fuarâ fowec. Eme mâreŋ i rauckerâ juwefumbiŋ ŋic i jaŋe Hamte ɋâricfâc hâcne.
41 Ʒâŋe biri‐jeŋic fokac i jaŋe Juda ŋicwofuŋ Hisikiazi juhame fisirâ mâreŋ ira lama bulimakao jaŋere boze wiac imackehuc sopâc kecɋaŋ fowecte Meunim ŋic mâreŋ ira jumbiŋ jaŋe jopa qâhâmoc ejarerâ mâreŋ‐jeŋicko ŋesanaŋkembiŋ ŋeŋgopieŋ jaha.
42 Eme Simeoŋte ɋâricfâc jaŋeraonec 500 jaŋe Isi ŋokâfâc‐ticne ʒi jaŋe micne bajarepie Seiri tikio rambiŋ: Pelatia, Nearia, Refaja â Uʒiele.
43 Ehuc Amaleke ŋic ʒanʒaŋne wisembiŋ jaŋe jopa mizierâ mâreŋ ira ŋesanaŋkembiŋ ŋeŋgopieŋ jaha.