7
Isasare ɋâricfâc
1 Isasare ŋokâfâc jahec â jahec jaŋere ʒâŋe ine ʒiŋuc: Tola, Pua, Jasubu â Simoroŋ.
2 Eme Tolare ŋokâfâc ine ʒiŋuc: Uʒi, Refaja, Jerile, Jamai, Ibesam â Semue. Ŋic jaŋe hâcne gaŋne gaŋne fua sawec ewefumbiŋ sâc jaŋere micne â momori wânʒâŋ jâmbâŋ jumbiŋ. Eme Dawidire dameŋko jaŋere ʒarezi 22 tauseŋ 600 ewec.
3 Eme Uʒire ŋokâ ine Iʒirahia. Eme Iʒirahiare ŋokâfâc ine ʒiŋuc: Mikae, Obadia, Joele â Isia, jaŋe memoczi ŋic fekicne jumbiŋ.
4 Eme kikefuŋ‐jeŋicko ʒuhuckerâ fua wefumbiŋ sâc momori guru 36 tauseŋ jumbiŋ. Ŋic i jaŋe ŋonâŋ â ŋokâfâc‐jeŋic bocjaha jujarembiŋ.
5 Eme Isasare garikiŋfâc soctofafâc‐jeŋic gaŋne gaŋne fua wefumbiŋ sâc ŋic momori wânʒâŋ wosec‐jopakicne ʒare‐jeŋic 87 tauseŋ.
6 Benjamiŋte ŋokâfâc jahec â moc jaŋere ʒâŋe ine ʒiŋuc: Bela, Bekere â Jediae.
7 Eme Belare ŋokâfâc memoc jaŋere ʒâŋe ine ʒiŋuc: Eziboŋ, Uʒi, Uʒiele, Jerimoti â Iri. Jaŋe kikefuŋ‐jeŋicko micne juhuc momori wânʒâŋ jumbiŋ. Eme gaŋne gaŋne fua wefumbiŋ sâc biric‐jopapie ʒare‐jeŋic 22 tauseŋ 34 ewec.
8 Eme Bekere ŋokâfâc ine ʒiŋuc: Ʒemira, Joasi, Elieʒe, Elioenai, Omiri, Jeremoti, Abia, Anatoti â Alemeti.
9 Ŋic i jaŋe Bekere ŋokâfâc sasawa. Jaŋe kikefuŋ‐jeŋicko micne juhuc momori wânʒâŋ jumbiŋ. Eme gaŋne gaŋne fua wefumbiŋ sâc biric‐jopapie ŋic momori wânʒâŋ ʒare‐jeŋic 20 tauseŋ 200 ewec.
10 Eme Jediae ŋokâ‐ticne ine Bilihaŋ; â Bilihaŋte ŋokâfâc ine ʒiŋuc: Jeusi, Benjamiŋ, Ehudu, Kenana, Ʒetaŋ, Tarasisi â Ahisaha.
11 Ŋic i jaŋe hâcne Jediae ere ŋokâfâc sasawa; jaŋe kikefuŋfâc‐jeŋic jaŋerao micne juhuc momori wânʒâŋ jumbiŋ. Eme gaŋne gaŋne fua wefumbiŋ sâc ʒikare baʒawiec‐jopakicne ʒare‐jeŋic 17 tauseŋ 200 ewec.
12 Eme Supim â Hupim jahe ine Irire ŋokâ jahec, â Husim e ine Aherire ŋokâ.
13 Naftalire ŋokâfâc ine ʒiŋuc: Jaziele, Guni, Jezere â Salum, jaŋe Bilihare ɋâricfâc.
Manasere ɋâricfâc
14 Manasere ŋokâfâc ine ʒiŋuc: Asiriele, e Manasezi Siria ŋokac mamare rowec erao fuawec. Erâ ekizia wâc Gileade mamac‐ticne Makiri rowec.
15 Eme Makirizi Hupim â Supim jahere seŋ ŋonâŋ‐ticne rowec, ʒâŋene Maka. Eme motec mocwâc ʒuhuckerâ fuawec, ʒâŋene Zelafiha. Eme Zelafiha e otâfâcne sasawa fuambiŋ.
16 Ehame Makiri ŋonâŋ‐ticne Makazi ŋokâ moc rorâ, ʒâŋene Peresi muwec. Â ɋaticnere ʒâŋe ine Seresi. Eme ere ŋokâ jahec ine Ulam â Rakem.
17 Eme Ulamte ŋokâ ine Bedaŋ. Ŋic i jaŋe Makirire ŋokâ Gileade ere ŋokâfâc, â Makiri e ine Manasere ŋokâ.
18 Ehame seŋticne Hamoleke eki ine Isihode, Abieʒe â Mala rocjopawec.
19 Eme Semidare ŋokâfâc ine Ahiaŋ, Sikem, Liki â Aniam.
Eferaimte ɋâricfâc
20 Eferaimte ŋokâ ine Sutela. Eme Sutelare ŋokâ Berede â Beredere ŋokâ Tahati â Tahatire ŋokâ Eleada â Eleadare ŋokâ ine Tahati.
21 Eme Tahatire ŋokâ Ʒabadi â Ʒabadire ŋokâ Sutela. Eme Eferaimte ŋokâ jahec Eʒere â Eleada jahe ine Gatiŋic jaŋere bulimakao fiuc ronicte fisipire qâhâmoc‐jofambiŋ.
22 Ehame mamac‐jekic Eferaimzi ʒoaŋ gie bapa bocjaha jahere ki mamakuc ehuc jume hahac ɋafâcne jaŋe bâmiriŋkeniŋte fisimbiŋ.
23 Eme Eferaimzi ŋonâŋ‐ticne mocwâc iqickeme ŋokâ moc kiweckerâ rowec. Rome wiac hâhâwicnezi kikefuŋ‐ticnao fuawecte ʒâŋene Beria muwec.
24 Eme ere otâre ʒâŋe ine Sera. Eme eki hâcne Bete‐Horoŋ hae faic â juwic erâ wâc Uʒeŋ‐Sera hae bawec.
25 Eme Beriare ŋokâ ine Refa â Refare ŋokâ Rezefe â Rezefere ŋokâ Tela â Telare ŋokâ ine Tahaŋ
26 â Tahaŋte ŋokâ Ladaŋ â Ladaŋte ŋokâ Amihudu â Amihudure ŋokâ ine Elisama.
27 Eme Elisamare ŋokâ Nuŋ â Nuŋte ŋokâ ine Josua.
28 Eme hae mâreŋ‐jeŋic ro rauc embiŋ i ʒiŋuc: Bete hae â hae gâcne, ʒoaŋ wewefunaopec ine Naraŋ hae â ʒoaŋ huhunaopec ine Geʒera hae â hae gâcne, erâ Sikem hae â hae gâcne erâ Aja hae â hae gâcne.
29 Eme Manasere ɋâricfâc jaŋere mâreŋ mao wâc hae ʒiŋuc ŋerawec: Bete‐Seaŋ â hae gâcne, Tanaki â hae gâcne, Megido â hae gâcne, erâ Doro â hae gâcne. Hae ira hâcne Israere ŋokâ Josefe ere ɋâricfâc jaŋe ŋec juc embiŋ.
Asere ɋâricfâc
30 Asere ŋokâfâc ine ʒiŋuc: Imina, Isiwa, Isiwi â Beria, erâ seŋjeŋic ine Sera.
31 Eme Beriare ŋokâ jahec ine ʒiŋuc: Hebere â Malikiele. Eme Malikiele e Biriʒaitire mamac.
32 Hebere e ine Jafelete, Someri, Hotam â seŋjeŋic Sua jaŋere mamac.
33 Eme Jafelete ere ŋokâfâc ine ʒiŋuc: Pasake, Bimahali â Asiwati. Ŋic i jaŋe hâcne Jafeletere ŋokâfâc.
34 Eme ɋaticne Somerire ŋokâfâc ine ʒiŋuc: Roga, Jehuba â Aram.
35 Eme ɋaticne moc ʒâŋene Hotam ere ŋokâfâc ine ʒiŋuc: Zofa, Imina, Selesi â Amali.
36 Eme Zofare ŋokâfâc ine ʒiŋuc: Sua, Harinefe, Suali, Beri â Imira,
37 Bezere, Hoda, Sama, Silisa, Itiraŋ â Bera.
38 Eme Jeterare ŋokâfâc ine ʒiŋuc: Jefune, Pisipa â Ara.
39 Eme Ulare ŋokâfâc ine ʒiŋuc: Ara, Haniele â Risia.
40 Ŋic i jaŋe hâcne kikefuŋfâc‐jeŋic jaŋere micne â momori wânʒâŋ jâmbâŋ, erâ jaŋe fekicne jaŋere fekicne. Eme gaŋne gaŋne fua wefumbiŋ sâc ʒikare baʒawiec‐jopahuc biric‐jopakicne ŋic ʒare‐jeŋic 26 tauseŋ ewec.