79
[Psalm lal Asaph]
Sie Pre In Molela Mutunfacl
1 O God, mwet pegan elos tuku utyak nu in acn sum.
Elos akfohkfokye Tempul mutal lom,
Ac arulana kunausla acn Jerusalem.
2 Elos filiya mano misa lun mwet lom tuh won vulture in kangla,
Ac monin mwet kulansap lom tuh in mwe mongo nun kosro lemnak.
3 Elos okoalik srahn mwet lom oana kof;
Srah soror oana kof in acn Jerusalem nufon,
Ac wangin mwet lula we in puknelosi.
4 Mutunfacl nukewa su raunikutla elos kaskas koluk kacsr;
Elos isrun kut ac aksruksruki kut.
5 LEUM GOD, ya kom ac mulat sesr nwe tok?
Ya kasrkusrak lom ac fah srakna firir oana e?
6 Furokla kasrkusrak lom nu fin mutunfacl saya su tia etekom,
Nu faclos su tia pre nu sum.
7 Tuh elos onela mwet lom
Ac kunausla facl sum.
8 Nikmet akkeokye kut ke sripen ma koluk lun mwet matu lasr.
Pakomutasr inge.
Wanginla na pwaye finsrak lasr.
9 Kasrekut, O God, ac molikutla.
Tulekutla ac nunak munas ke ma koluk lasr
Fal nu ke Inem.
10 Efu ku mutunfacl saya in siyuk sesr,
“Ku pia God lowos an?”
Lela kut in liye foloksak lom nu sin mutunfacl
Su aksororye srahn mwet kulansap lom.
11 Lohng pusren sasao lun mwet kapir,
Ac ke ku lulap lom, aksukosokyalosla su wotyang nu ke misa.
12 O Leum, oru foloksak lom nu sin mutunfacl ingan pacl itkosr
Ke kas in akkoluk su elos fahk keim uh.
13 Na kut, mwet lom, su sheep lun un kosro nutum,
Fah sot kulo nu sum ma pahtpat,
Ac kaksakin kom nwe tok.