5
A nurnur i winim pas a rakrakon bual
+Det rop ra det nurnur un o Iesu lena i a Karisito, det a kum nutnutun o God. Ma det rop ra det nem o Tamano, det nemi utkai a kum nutnutunu. Ra dat nem o God, ma dat mur anun a kum warkurai, dat tasmani lena, dat nem a kum nutnutunu. +Ra dat nem o God, dat in mur anun a kum warkurai. Ma anun a kum warkurai, ke ngangitin sur dat in muri. Uni det ra a kum nutnutun o God, det sa winim pas a rakrakon bual. A dekdek ra dat winim pas a rakrakon bual nami i lenri: anundat a nurnur. Osi ra i winim pas a rakrakon bual? Det kut ra det nurnur un o Iesu lena, i a Nutun o God.
A wasiso talapor un o Iesu Karisito
+O Iesu Karisito i wanpat nama danim ma a gap*. Awu sur i wanpat kut nama danim, i wanpat nama danim ma a gap. A Tokodos na Nion i wasiso talapor un o Iesu Karisito, uni a Tokodos na Nion i a lingmulus. +Detul ri, detul wasiso talapor uni: A Nion, a danim, ma a gap. Anundetul a wasiso talapor i takai kut. +Dat ser nurnur una wasiso talapor anun a taro, ikut a wasiso talapor anun o God i labo tauni. Uni, una tulu utna ri, o God ut i wasiso talapor un o Iesu lena, o Nutunu. 10  +Osi ra i nurnur una Nutun o God, i sa utur ukai a wasiso talapor anun o God unin balano. Ikut osi ra ke nurnur una wasiso talapor anun o God, i nuki lena o God a tene torotoro, uni ke nurnur una wasiso talapor anun o God un o Nutunu. 11 Anun a wasiso talapor i lenri: O God i sa pitar tar a nilaun tukum torom dat, ma a nilaun ra, kura un o Nutunu. 12  +O naro ra o Nutun o God i laun uni, i utur ukai a nilaun tukum. Ikut o naro ra o Nutun o God ke laun uni, ke utur ukai a nilaun tukum.
O Iesu i a nilaun tukum
13  +A kum utna ri a tumusi torom mot, ra mot nurnur una risan a Nutun o God, sur mot in tasmani lena, mot sa utur ukai a nilaun tukum. 14  +Ra dat wararing torom o God sur tu utna elar nam anun a nemnem, dat sa tasman mulusi lena, in longoro dat. Ra ka dat in ngara sur dat in saringi sur tu utna. 15 Ra dat tasmani lena, i longoro dat una kum utna rop ra dat sasaring suri, dat tasmani kai lena, in pitar asau ra dat saringi suri.
16  +Ra taio in tama o tisino ra i pam a sakino petutna ra ke wan sur a minat, in wararing torom o God, ma o God in pitar a nilaun tano. A niaring ri in warut det ra anundet a sakino petutna ke wan sur a minat. Ikut ka watungi sur mot in wararing sur det ra anundet a sakino petutna i wan sur a minat. 17 A kum petutna rop ra ke tokodos, a kum sakino petutna. Ikut a ramano kum sakino petutna ke wan sur a minat.
18  +Dat tasmani lena det rop ra a kum nutnutun o God, ka det ser pam meleti mo a kum sakino petutna. Uni a Nutun o God i tamtamabat det ut, ra o Satan ke pet lar pasi sur in ban laulau det. 19 Dat sa tasmani lena, dat a kum nutnutun o God, ma a rakrakon bual rop i kis utuntudu ina warkurai anun o Satan. 20 Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.
21 A kum nutnutung liklik, mot in tamtamabat mot gusun a kum torotoro na god.
+ 5:1 1 Jon 4:15 + 5:3 Jn 14:15, 23-24 + 5:6 Jn 1:29-34 * 5:6 A ramano kum tene mananos una Buk Tabu det nuki lena a danim i ukinalong a baptais ma a gap i ukinalong a minat. + 5:7 Jn 15:26 + 5:9 Jn 5:32-37 + 5:10 Gal 4:6 + 5:12 Jn 3:36 + 5:13 Jn 20:31 + 5:14 Jn 14:13; 1 Jon 3:21-22 + 5:16 Mt 12:31 5:16 A ramano kum tene mananos una Buk Tabu det nuki lena a sakino petutna ra taio in mat tukum uni, ra i ipul ru o Iesu. + 5:18 1 Jon 3:9