1 Io, go ra tarai ta ra papar Iuda dia ga vana urama kan ra kini na vilavilau, diat ba Nebukadnesar ra king Babilon i ga agur pa diat uro Babilon, ma go dia ga talil uro Ierusalem ma Iuda, tikatikai ta kana pia na pal iat. 2 Dia ga varagur ma Serubabel, Iesua, Nekemia, Seruia, Relaia, Mordekai, Bilsan, Mispar, Bigvai, Rekum ma Bana.

Go ia ra niluluk ure ra tarai Israel: 3 A tarai Paros, a ura arip ma tika na mar ma lavurua na vinun ma a urua. 4 A tarai Sepatia, a utul a mar ma lavurua na vinun ma a urua. 5 A tarai Ara, lavurua na mar ma lavurua na vinun ma a ilima. 6 A tarai Pakat-Moab, ta ra ura apik na tarai Iesua ma Ioab, a ura arip ma lavutul na mar ma a vinun ma a urua. 7 A tarai Elam, tika na arip ma a ura mar ma a ilima na vinun ma a ivat. 8 A tarai Satu, lavuvat na mar ma a ivat na vinun ma a ilima. 9 A tarai Sakai, lavurua na mar ma laptikai na vinun ot. 10 A tarai Bani, laptikai na mar ma a ivat na vinun ma a urua. 11 A tarai Bebai, laptikai na mar ma a ura vinun ma a utul. 12 A tarai Asgad, tika na arip ma a ura mar ma a ura vinun ma a urua. 13 A tarai Adonikam, laptikai na mar ma laptikai na vinun ma laptikai. 14 A tarai Bigvai, a ura arip ma a ilima na vinun ma laptikai. 15 A tarai Adin, a ivat na mar ma a ilima na vinun ma a ivat. 16 A tarai Ater, tai Esekia, lavuvat na vinun ma lavutul. 17 A tarai Besai, a utul a mar ma a ura vinun ma a utul. 18 A tarai Iora, tika na mar ma a vinun ma a urua. 19 A tarai Kasum, a ura mar ma a ura vinun ma a utul. 20 A tarai Gibar, lavuvat na vinun ma a ilima. 21 A tarai Beteleem, tika na mar ma a ura vinun ma a utul. 22 A tarai Netopa, a ilima na vinun ma laptikai. 23 A tarai Anatot, tika na mar ma a ura vinun ma lavutul. 24 A tarai Asmavet, a ivat na vinun ma a urua. 25 A tarai Kiriat-Arim, Kepira, ma Berot, lavurua na mar ma a ivat na vinun ma a utul. 26 A tarai Rama ma Geba, laptikai na mar ma a ura vinun ma tikai. 27 A tarai Mikmas, tika na mar ma a ura vinun ma a urua. 28 A tarai Betel ma Ai, a ura mar ma a ura vinun ma a utul. 29 A tarai Nebo, a ilima na vinun ma a urua. 30 A tarai Magbis, tika na mar ma a ilima na vinun ma laptikai. 31 A tarai Elam (a enana), tika na arip ma a ura mar ma a ilima na vinun ma a ivat. 32 A tarai Karim, a utul a mar ma a ura vinun ot. 33 A tarai Lod, Kadid, ma Ono, lavurua na mar ma a ura vinun ma a ilima. 34 A tarai Ieriko, a utul a mar ma a ivat na vinun ma a ilima. 35 A tarai Sena, a utul a arip ma laptikai na mar ma a utul a vinun ot.

36 A umana tena tinabar: a tarai Iedaia, ta ra apik na tarai kai Iesua, lavuvat na mar ma lavurua na vinun ma a utul. 37 A tarai Imer, tika: na arip ma a ilima na vinun ma a urua. 38 A tarai Paskur, tika na arip ma a ura mar ma a ivat na vinun ma lavurua. 39 A tarai Karim, tika na arip ma a vinun ma lavurua.

40 A tarai Levi: a tarai Iesua ma Kadmiel, ta ra apik na tarai Odavia, lavurua na vinun ma a ivat.

41 A umana tena kakailai: a tarai Asap, tika na mar ma a ura vinun ma lavutul.

42 A tarai na monamono na matakilalat: a tarai Salum, a tarai Ater, a tarai Talmon, a tarai Akub, a tarai Katita, a tarai Sobai, diat par tika na mar ma a utul a vinun ma lavuvat.

43 A tarai na papalum ta ra pal i gomgom: a tarai Sika, a tarai Kasupa, a tarai Tabaot, 44 a tarai Keros, a tarai Sia, a tarai Padon, 45 a tarai Lebana, a tarai Kagaba, a tarai Akub, 46 a tarai Kagab, a tarai Samlai, a tarai Kanan, 47 a tarai Gidel, a tarai Gakar, a tarai Reaia, 48 a tarai Resin, a tarai Nekoda, a tarai Gasam, 49 a tarai Usa, a tarai Pasea, a tarai Besai, 50 a tarai Asna, a tarai Meunim, a tarai Nepisim, 51 a tarai Bakbuk, a tarai Kakupa, a tarai Karkur, 52 a tarai Baslut, a tarai Mekida, a tarai Karsa, 53 a tarai Barkos, a tarai Sisera, a tarai Tema, 54 a tarai Nesia, a tarai Katipa.

55 A umana bul mur ta diat ra tarai na tultul kai Solomon: a tarai Sotai, a tarai Asoperet, a tarai Peruda, 56 a tarai Iala, a tarai Darkon, a tarai Gidel, 57 a tarai Sepatia, a tarai Katil, a tarai Pokeret-Asebaim, a tarai Ami. 58 A tarai na papalum ta ra pal i gomgom par ma ra umana bul mur ta ra tarai na tultul kai Solomon, a utul a mar ma lavuvat na vinun ma a urua diat.

59 Ma go diat dia ga vana urama maro Tel-Mela, Tel-Karsa, Kerub, Adan, ma Imer, ma i ga dekdek upi diat a vaarike kadia apik na tarai, ba kadia vuna tarai, upi da nunure ba diat a umana te Israel ba pata: 60 a tarai Delaia, a tarai Tobia, a tarai Nekoda, laptikai na mar ma a ilima na vinun ma a urua. 61 Ma ra umana bul kai ra umana tena tinabar: a tarai Kabaia, a tarai Akos, a tarai Barsilai (nina i ga taule tika na vavina ta diat ra umana natu i Barsilai ra ta Gilead, ma di ga tul tar ra iang i diat tana). 62 Go diat dia ga tikan upi ra iang i diat ta ra buk na vuna tarai pire diat di ga tumu vake diat, ma pa dia ga tikan tadav ia; kari di ga biti ba pa dia ga gomgom, ma di ga okole vue diat kan ra tiniba na tena tinabar. 63 Ma ra luluai na gunan i ga biti ta diat ba koko diat a en ra magit i gomgom tuna, tuk tar ta ra bung tika na tena tinabar na tut rikai upi na vavaarikai ma ra Urim ma ra Tumim.

64 A kor na tarai par i ga varogop ma a ivat na vinun ma a ura arip ma a utul a mar ma laptikai na vinun ot, 65 ma kadia umana tultul na tutana ma ra umana tultul na vavina dia ga varogop ma lavurua na arip ma a utul a mar ma a utul a vinun ma lavurua; ma a ura mar na tarai ma ra vaden, a umana tena kakailai, dia ga varagur ma diat. 66 Kadia umana os, lavurua na mar ma a utul a vinun ma laptikai; kadia umana miul,* a ura mar ma a ivat na vinun ma a ilima; 67 kadia umana kamel, a ivat na mar ma a utul a vinun ma a ilima; kadia umana as, laptikai na arip ma lavurua na mar ma a ura vinun ot.

68 Ma ta umana lualua na apik na tarai, ba dia ga vut ta ra kuba i ra Luluai aro Ierusalem, dia ga vartabar ma ra minariga ure ra kuba i God ba da vatur ia ta kana gunan iat; 69 dia ga vartabar varogop ma ra tabarikik dia ga vung ia, ma dia ga tul tar ia ta ra vuvuvung na mani ure ra papalum laptikai na vinun ma tika na arip na marmar na pal a mani i goled ma a ura arip ma a utul a mar na kilogram (a ilima na arip na marmar na paun) na silva, ma tika na mar na mal na tena tinabar.

70 Damana ra umana tena tinabar, ma ra tarai Levi ma ta umana ta diat ra tarai, ma ra umana tena kakailai, ma ra umana monamono ta ra matakilalat, ma ra tarai na papalum ta ra pal i gomgom, dia ga kiki ta kadia umana pia na pal tikatikai, ma ra tarai Israel par dia ga ki ta kadia lavur pia na pal iat.