45
ลปุง ซันญา พะจาว ละ บ่ารุก
1 เญือม เอีจ ฮอยจ อื เนอึม ปาวน นึง กัน แปน เยโฮยาคิม กวน โยซียา กซัต เมือง ยูด่า เยอ, บ่ารุก ไซฮ อาึง ลปุง เยเรมี นึง นังซื ปอ ตัม ป อัฮ อื อาึง ละ แตะ. เญือม เซ มัฮ ดวน อื ไซฮ อื ตอก เฮี,
2 “บ่ารุก, เยโฮวา พะจาว ยุฮ อิซราเอน อัฮ เฮี ละ เปอะ,
3 ‘ปะ อัฮ เปอะ ติ แตะ โซะ ลอน ป อาวม, อัฮ เปอะ มัฮ พะจาว ป บุ รพาวม ตุก แตะ ไม่ กัน โซะ ป อาวม แตะ เซ. อัฮ เปอะ ติ แตะ โซะไมญ โซะ ปี ไม่ แงงัฮ แตะ, โอ ไก ลโล่ะ ลโลวน นึง เฟือฮ เอิน.’ ”
4 “อาึ ป มัฮ พะจาว ปังเมอ ซ เญื่อฮ ป เอีจ โก แตะ ไพรม อื. ซ ตอยจ เจอะ ป เอีจ ซมา แตะ. อาึ ซ ยุฮ ตอก เซ ละ ปุย เลี่ป เตะ เอิน.
5 ปะ อัม มัฮ ซาวป เปอะ โอเอีฮ ป ระ ป คึ ละ โกะ แตะ ไอฮ? ปุ ซาวป เฟือฮ เอิน. อาึ ซ เกือฮ เนอึม ป โตะ ป ตอง ฮอยจ ละ ปุย ปลัฮเตะ เตือง โอยจ อื, ปะ ปังเมอ ซ โปน เปอะ โอเอีฮ เซ. โฮว เปอะ นา ออฮ นา เอีฮ ญุ่ก ตึก นึง โอ เปอะ โฮลฮ ป ไฮญ ปะ ซ โฮลฮ ลั่ง เปอะ ไอม เบือ อื,” มัฮ พะจาว ป อัฮ เซ ละ เปอะ. อัฮ เซ.