26
กัน เมีญ ปุย โม อิซราเอน โฮน ลอา อื
1 เญือม เอีจ ฟวยจ เกิต พาญัต ฆอก เซ, พะจาว อัฮ อื ละ ไอ โมเซ ไม่ เอเลอาซา กวน อาโรน ป มัฮ ซตุ เซ ตอก เฮี,
2 “ไมจ เปอะ โจต เมาะ ไก เซน โม อิซราเอน เตือง โอยจ อื, ตัม เจอ ตัม ซฆลาวม อื, เมาะ ป เอีจ เกียฮ โฮว รุป เซิก นึง อื. มัฮ โม ปรเมะ ป เอีจ ไก อาญุ อื เคียง ง่า เนอึม ฮาวก ก ล่าวง,” อัฮ เซ.
3-4 ไอ โมเซ ไม่ เอเลอาซา ป มัฮ ซตุ เซ ยุฮ เนอึม อื ตัม ป อัฮ พะจาว ละ ไอ โมเซ. กอก โม ปรเมะ ป ไก อาญุ เคียง ง่า เนอึม เซ ฮอยจ โพรม ไม่ แตะ นึง ลโลวง โมอัป โบ โกลง จอแด่น รเตือป เมือง เยรีโค. โม อิซราเอน ป โอก ฮา เมือง อียิป เซ มัฮ ตอก เฮี.
5 ปุย เจอ รูเบ่น มัฮ ตอก เฮี. (รูเบ่น เซ มัฮ กวน โรง ยาโคป) จัตเจือ รูเบ่น เซ มัฮ โม ฮะโนก, ไม่ โม ปันลู,
6 โม เฮตโรน, ไม่ โม คาระมี.
7 โม เซ มัฮ ปรเมะ ไน เจอ รูเบ่น. เซน ปุย นึง อื ไก 43,730 ปุย.
8 จัตเจือ ปันลู เซ มัฮ เอลีอัป.
9 กวน เอลีอัป เซ มัฮ เนมูเอน ไม่ ด่าทัน ไม่ อาบี่รัม. ด่าทัน ไม่ อาบี่รัม เซ มัฮ โม พูนัม ป โอ ญอม อาวต ฆรึม ตัตเตียง ไอ โมเซ ไม่ อาโรน, ไม่ พาวม ดิ อื ไม่ โม โครา นึง เลฮ อื เตียง ป อัฮ พะจาว.
10 เญือม เซ ปลัฮเตะ นา ก อาวต อื เซ ม่ะ เอิน ปอ บลวน แตะ โม เซ ไม่ โครา. ยุม โอยจ เอิน. โนก ฮา เซ ยุม แม นึง ฮะ งอ แตะ ลอา รอย ไม่ รฮอน ปุย. โอเอีฮ ตอก เซ มัฮ โรฮ ป เกิต ละ ซ แปน อื ป เพอึก ปุย เตือง โอยจ อื.
11 ป มัฮ จัตเจือ โครา เซ ปังเมอ โอ โรฮ ยุม เตือง โอยจ แตะ.
12 ปุย เจอ ซิเมโอน มัฮ โม เนมูเอน, โม ยามิน, โม ยาคิม,
13 โม เซรา, ไม่ โม ชาอุน.
14 ปุย โม เซ มัฮ ตื ปุย ไน เจอ ซิเมโอน เซ. เซน ปุย นึง อื ไก 22,200 ปุย.
15-18 ปุย เจอ กาต มัฮ โม เซโฟน, โม ฮักกี, โม ชูนี, โม โอซนี, โม เอรี, โม เอโรต, ไม่ โม อาเรลี. เซน ปุย ไน เจอ กาต เซ ไก 40,500 ปุย.
19-22 ปุย เจอ ยูด่า มัฮ โม เชลา, โม เพเรต, ไม่ โม เซรา. ป มัฮ จัตเจือ เพเรต มัฮ โม เฮตโรน, ไม่ โม ฮามุน. กวน ยูด่า ป ยุม นึง เมือง คะนาอัน เตือง โอ อื ไก กวน เนอ, มอยฮ อื มัฮ เอ ไม่ โอนัน. เซน ปุย ไน เจอ ยูด่า เซ ไก 76,500 ปุย.
23-25 ปุย ไน เจอ อิตซาคา มัฮ โม โทลา, โม ปูวา, โม ยาชุป, ไม่ โม ซิมโรน. เซน ปุย ไน เจอ อิตซาคา เซ ไก 64,300 ปุย.
26-27 ปุย เจอ เซบู่ลุน มัฮ โม เซเรต, โม เอโลน, ไม่ โม ยาเลเอน. เซน ปุย ไน เจอ เซบู่ลุน เซ ไก 60,500 ปุย.
28 ปุย ไน จัตเจือ โยเซป มัฮ เจอ มะนาเซ ไม่ เจอ เอฟราอิม.
29 ปุย เจอ มะนาเซ มัฮ มาคี ติ. มาคี เซ ไก โรฮ กวน, มัฮ กิเลอัต. โม กิเลอัต เตอ ซึป เจือ แตะ เน่อึม นึง กิเลอัต เซ.
30-32 จัตเจือ กิเลอัต เซ มัฮ โม เยเซอ, โม เฮเลก, โม อัตรีเอน, โม เชเคม, โม เชมิด่า, ไม่ โม เฮเฟอ.
33 ป มัฮ เซโลเฟฮัต กวน เฮเฟอ เซ ไก โตว กวน รเมะ. ไก กวน รโปวน โน่ง. มัฮ มาลา, โนอา, โฮก-ลา, มินคา, ไม่ ทีระซา.
34 เซน ปุย เจอ มะนาเซ เซ ไก 52,700 ปุย.
35 ปุย เจอ เอฟราอิม, จัตเจือ อื มัฮ โม ชูเทลา, โม เบ่เคอ, ไม่ โม ทาฮัน.
36 โม เอรัน มัฮ ป ซึป จัตเจือ แตะ เน่อึม ชูเทลา.
37 เซน ปุย ไน เจอ เอฟราอิม เซ ไก 32,500 ปุย. ปุย โม เซ มัฮ จัตเจือ โยเซป นึง อื.
38-40 ปุย เจอ เบ่นยามิน, จัตเจือ อื มัฮ โม เบ่ลา, โม อัตซเบ่น, โม อาฮิรัม, โม เชฟูฟัม, ไม่ โม ฮุฟัม. โม อาต ไม่ โม นาอามัน มัฮ ป ซึป จัตเจือ แตะ เน่อึม นึง เบ่ลา เซ.
41 ปุย ไน เจอ เบ่นยามิน เซ ไก 45,600 ปุย.
42-43 ปุย เจอ ด่าน, จัตเจือ อื มัฮ โม ชูฮัม. เซน ปุย ไน เจอ ด่าน เซ ไก 64,400 ปุย.
44 ปุย เจอ อาเชอ มัฮ โม อิมนา, โม อิชวี, ไม่ โม เบ่ริยา.
45 โม เฮเบ่อ ไม่ โม มันคีเอน มัฮ ป ซึป จัตเจือ แตะ เน่อึม เบ่ริยา เซ.
46 กวน รโปวน อาเชอ เซ มัฮ เซรา.
47 ปุย ไน เจอ อาเชอ เซ ไก 53,400 ปุย.
48 ปุย ไน เจอ นัปทาลี มัฮ โม ยาเซเอน, โม กูนี,
49 โม เยเซอ, ไม่ โม ชินเลม.
50 เซน ปุย ไน เจอ นัปทาลี เซ ไก 45,400 ปุย.
51 เซน โม ปรเมะ โม อิซราเอน เตือง โอยจ อื ไก 601,730 ปุย.
52 พะจาว อัฮ เฮี ละ ไอ โมเซ,
53 “ไมจ เปอะ รฆุ ปลัฮเตะ ละ โม อิซราเอน เซ ตัม เมาะ ไก เซน ปุย ไน เจอ ยุฮ อื.
54 ป มัฮ เจอ ป โฮวน เซน ปุย นึง อื เกือฮ ละ อื เวือฮ ตัม เซ. ดัฮ มัฮ เจอ รมัฮ เซน ปุย นึง อื โฮ, เกือฮ โรฮ ละ อื ซไกป ตัม เซ โรฮ.
55 กัน รฆุ เปอะ ปลัฮเตะ เซ, ปังเมอ ไมจ เปอะ เกือฮ ปุย โจก เบ่อ นึง อื, ตัม มอยฮ เจอ อาวต แตะ ไอฮ เตือง ไพ เตือง มัน.
56 กัน เกือฮ เปอะ ปุย โจก เบ่อ เซ, ไมจ เปอะ เกือฮ โจก อื ตัม ระ ตัม แตวะ เจอ ยุฮ อื เซ โรฮ,” อัฮ เซ.
57 เจอ เลวี ไก ไม่ ปุ แตะ ลอวย ซฆลาวม. มัฮ ซฆลาวม เกอโชน, โคฮัต, ไม่ เมรารี.
58 ไน ซฆลาวม ลอวย เซ ไก โม ลิปนี นึง ไม่ โม เฮปโรน, โม มาลี, โม มูชี, ไม่ โม โครา. โคฮัต มัฮ จัตเจือ อัมรัม.
59 ปรโปวน เญือะ อัมรัม เซ มัฮ โยเคเบ่ต, มัฮ จัตเจือ เลวี ป เกิต นึง เมือง อียิป โฮ. อัมรัม ไม่ โยเคเบ่ต เซ ไก กวน รเมะ ลอา ปุย, มัฮ อาโรน ไม่ ไอ โมเซ. ไก กวน รโปวน ติ ปุย, มัฮ มิเรียม ป มัฮ ออระ ไอ โมเซ ไม่ อาโรน เซ.
60 อาโรน เซ ไก โรฮ กวน รเมะ ปาวน, มัฮ นาดั่ป ไม่ อาบี่ฮู ไม่ เอเลอาซา ไม่ อิทามา.
61 ป มัฮ นาดั่ป ไม่ อาบี่ฮู เซ ปังเมอ ยุม ฆาื โกว แตะ งอ โอ ปุย ลัง โกว เญือม ตอง อื ทไว โอเอีฮ ละ พะจาว.
62 เซน โม เลวี เซ เตือง โอยจ อื ไก 23,000 ปุย. มัฮ โม ปรเมะ ป ไก อาญุ อื เคียง ติ เคิ ฮาวก ก ล่าวง. โม เลวี เซ เมีญ รโจะ โตว อื ไม่ โม อิซราเอน ไฮญ, นึง โอ อื ไก รโตง นึง ปลัฮเตะ รฆุ ปุย เซ.
63 ไอ โมเซ ไม่ เอเลอาซา ป มัฮ ซตุ มัฮ ป โจต เซน ปุย โม เซ เญือม เมีญ อื เมาะ ไก เซน โม อิซราเอน, นึง ลโลวง โมอัป โบ โกลง จอแด่น รเตือป เมือง เยรีโค.
64 เมาะ ป โจต ไอ โมเซ ไม่ อาโรน อาึง เซน อื นึง ลาึน ซีไน โฮ, ไก โตว ติ ปุย เนอึม ป ไอม ลั่ง อื.
65 พะจาว เอีจ อัฮ อาึง อื ตอก เฮี, “ปุย โม เซ ซ ยุม โอยจ นึง ลาึน เวือฮ,” อัฮ เซ. เอีจ เกิต เนอึม ตอก อัฮ พะจาว อื เซ. มัฮ คาเลป กวน เยฟูเน ไม่ โยชูวา กวน นูน โน่ง ป ไอม ลั่ง เงอ.