114
1 ไพรม อื เญือม โอก โม อิซราเอน ฮา เมือง อียิป โฆะ โฮ, มัฮ เญือม โอก จัตเจือ ยาโคป ฮา โม ปุย ตังเมือง ป ตัง ลปุง ฮา โม โกะ อื เซ,
2 โม ยูด่า เยอ โฮลฮ แปน ปุย ซง่ะ ซงอม ยุฮ พะจาว. โม อิซราเอน เนอ โฮลฮ แปน ปุย ไน บั่นเมือง ยุฮ อื.
3 ปลัฮ รอาวม ซครัก เญือม ยุ อื โม เซ เยอ, ตอ เอิน ฮา อื. โกลง จอแด่น เนอ ลเตือฮ โรฮ ตอ แม ฆาื อื.
4 โม มอยจ เจาะ ติ แตะ ฆาื อื ตอก ปิ โปก โฮ, ตู เตียม เตน ฆาื อื ตอก กวน แกะ โฮ.
5 เออ, ปลัฮ รอาวม, มัฮ ฆาื เมอ ป ตอ เปอะ ฆาื อื? โกลง จอแด่น, มัฮ ฆาื เมอ ป ลเตือฮ เปอะ ตอ แม ฆาื อื?
6 เออ, โม มอยจ, เมอยุ เจาะ เปอะ ติ แตะ ตอก ปิ โปก เกอ? ตูเตียม, เมอยุ เตน เปอะ ตอก กวน แกะ แอ?
7 เออ, ปลัฮเตะ, ไมจ เปอะ รกุฮ รเตียง ซองนา พะจาว. มัฮ ซองนา พะจาว ยุฮ ยาโคป.
8 เอีจ มัฮ พะจาว เซ ป เปียน ซโมะ เกือฮ แปน ตุง รอาวม ระ อา. เปียน โรฮ ซโมะ งอ เกือฮ แปน รอาวม ปลาึฮ โรฮ.