70
รซอม เชีย ยุฮ ด่าวิต ฮอยจ ละ ฮัวนา โม ป เชีย ละ ปัว อื โอเอีฮ นึง พะจาว
1 โอ พะจาว, ปัว เปอะ เรอึม อาึ เกือฮ โปน ฮา ป โอ ไมจ, เรอึม อาึ อื ปเลี่ย เฮี เอิน.
2 โม ป ซาวป ยุฮ ยุม ไม่ อาึ เซ, ปัว เปอะ เกือฮ โซะกิจ ปิญไง่ ไม่ ซุกซัก รพาวม แตะ. โม ป ฆวต ยุฮ ป โซะ ละ อาึ เซ, เกือฮ โฮลฮ ลเตือฮ ตอ แม ไม่ โชะ อื นา แตะ.
3 โม ป อัฮ ป กุยจ ป วัว ไม่ เพียก แฮม อื อาึ เซ, เกือฮ โฮลฮ เงอึต นึง ไป แตะ.
4 โม ป ซาวป เนอึม ยุ ปะ อา, เกือฮ โฮลฮ รพาวม ไมจ มวน แตะ เบือ เปอะ. โม ป เกือฮ ติ แตะ มวน รพาวม นึง อาวม อื เรอึม ปะ แตะ, เกือฮ โฮลฮ อัฮ ลอป เฮี, “พะจาว มัฮ เนอึม ป ตึก นึง ระ นัน นึง ฮลาวง แตะ,” เกือฮ โฮลฮ อัฮ เซ.
5 โอ พะจาว, อาึ มัฮ ปุย ตุก ปุย ญัก, ไม่ โฮวน เม่ะมั่ก ซักคระ แตะ. ปัว เปอะ ซไจ ฮอยจ เคะ อาึ. โอ พะจาว, เอีจ มัฮ ปะ ป เรอึมชวย ตูเตอึม อาึ อื. ปัว เปอะ โอ เญือะ มอง เลี่ญ โอะ.