8
จัตเจือ เบ่นยามิน
1 เบ่นยามิน ไก กวน รเมะ พอน ปุย, เน่อึม นึง กวน โรง อื ฮอยจ ละ กวน รเคะ อื มัฮ ตอก เฮี. มัฮ เบ่ลา, อัตชเบ่น, อาฮะรา,
2 โนฮา, ไม่ ราฟา.
3 กวน รเมะ เบ่ลา เซ มัฮ อัตด่า, เกรา, อาบี่ฮุต,
4 อาบี่ชูวา, นาอามัน, อาโฮอา,
5 เกรา, เชฟูฟัน, ไม่ ฮุรัม.
6-7 จัตเจือ เอฮุต มัฮ นาอามัน, อาฮิยา, ไม่ เกรา. โม เซ มัฮ ตื ฮัวนา ซฆลาวม ป อาวต เมือง เกบ่า. ไก ป โฮมวต โรวก เกือฮ โฮว แปน ครา แตะ, ฮอยจ นึง เมือง มานาฮัต. เกรา เซ มัฮ เปือะ อุตซา ไม่ อาฮิฮุต, แปน ป นัม ปุย เญือม โฮว อื ตอก เซ.
8-9 ชาฮะราอิม ละ ปรโปวน เญือะ แตะ ลอา ปุย ป มัฮ ฮุชิม ไม่ บ่าอารา. ฟวยจ เซ ไอฮ โฮเด่ต แปน ปรโปวน โคระ เญือะ แตะ. เญือม อาวต อื นึง เมือง โมอัป โฮลฮ กวน รเมะ แตะ ไม่ ปุ แตะ อาแลฮ. มัฮ โยบั่ป, ซิเบี่ย, เมชา, มันคัม,
10 เยอุต, ซาเคีย, ไม่ มิรมา. โม กวน อื เซ โฮลฮ ตื แปน ฮัวนา ซฆลาวม.
11 กวน อื ไม่ ฮุชิม มัฮ อาบี่ทุป ไม่ เอนปาอัน.
12 กวน รเมะ เอนปาอัน เซ มัฮ เอเบ่อ, มิชอัม, ไม่ เชเมต. เชเมต เซ มัฮ ป ตัง ย่วง โอโน ไม่ ย่วง โลต เตือง ย่วง แตวะๆ ป อาวต แควน เซ.
13 ฮัวนา ซฆลาวม ป โฮว อาวต นึง ย่วง ไอยาโลน, ป ปุน โครฮ โม ป อาวต นึง เมือง กัต เกือฮ ตอ เยอ, มัฮ เบ่รียา ไม่ เชมา.
14 จัตเจือ เบ่รียา เซ มัฮ อาฮิโย, ชาชัก, เยเรโมต,
15 เซบ่าดิ่ยา, อารัต, เอเด่อ,
16 มีคาเอน, อิชปา, ไม่ โยฮา.
17 จัตเจือ เอนปาอัน มัฮ เซบ่าดิ่ยา, เมชูลัม, ฮิซคี, เฮเบ่อ,
18 อิชเมไร, อิซลียา, ไม่ โยบั่ป.
19 จัตเจือ ชิเมอี มัฮ ยาคิม, ซิกรี, ซัปดี่,
20 เอลีเยไน, ซินเลไท, เอลีเอน,
21 อาด่ายา, เบ่ไรอา, ไม่ ชิมรัต.
22 จัตเจือ ชาชัต มัฮ อิชปัน, เอเบ่อ, เอลีเอน,
23 อัปโด่น, ซิครี, ฮานัน,
24 ฮานันยา, เอลัม, อันโททียา,
25 อิปได่ยา, ไม่ เปนูเอน.
26 จัตเจือ เยโรฮัม มัฮ ชัมเชไร, เชฮะรียา, อาทาลิยา,
27 ยาอาเรชียา, เอลียา, ไม่ ซิครี.
28 ปุย โม เซ มัฮ ตื ฮัวนา ซฆลาวม ไน เจอ ยุฮ แตะ. โฮลฮ อาวต นึง เวียง เยรูซาเลม.
29 เยอีเอน ตัง ย่วง กิเบ่โอน, ลอต อาวต นา เซ. มอยฮ ปรโปวน เญือะ อื มัฮ มาอาคา.
30 กวน โรง อื มัฮ อัปโด่น. กวน รเมะ ไฮญ อื มัฮ ซู, คีต, บ่าอัน, เนอ, นาดั่ป,
31-32 เกโด่, อาฮิโย, เซเคอ, ไม่ มิกโลต. มิกโลต เซ มัฮ เปือะ ชิเมอา. จัตเจือ ปุย โม เซ อาวต ซดิ โบ โม เอียกปุ แตะ นึง เวียง เยรูซาเลม.
จัตเจือ กซัต ซาอุน
33 เนอ มัฮ เปือะ คีต. คีต มัฮ เปือะ กซัต ซาอุน. กซัต ซาอุน มัฮ เปือะ โยนาทัน, มันคีชูวา, อาบี่นาดั่ป, ไม่ เอตบ่าอัน.
34 โยนาทัน มัฮ เปือะ เมรีบ่าอัน. เมรีบ่าอัน มัฮ เปือะ มีคา.
35 มีคา ไก กวน รเมะ ปาวน. มัฮ ปีโทน, เมเลก, ทาเรีย, ไม่ อาฮัต.
36 อาฮัต มัฮ เปือะ เยโฮอัตด่า. เยโฮอัตด่า มัฮ เปือะ อาเลเมต, อัตมาเวต, ไม่ ซิมรี. ซิมรี มัฮ เปือะ โมซา.
37 โมซา มัฮ เปือะ บิ่เนอา. บิ่เนอา มัฮ เปือะ ราฟา. ราฟา มัฮ เปือะ เอเลอาซา. เอเลอาซา มัฮ เปือะ อาเซน.
38 อาเซน ไก กวน รเมะ แลฮ. มัฮ อัตซรีคัม, โบ่เครู, อิชมาเอน, เชอารียา, โอบ่าดี่, ไม่ ฮานัน.
39 เอเชก ป มัฮ ปุ อาเซน เซ ไก กวน รเมะ ลอวย. กวน โรง อื มัฮ อุลัม, ฟวยจ เซ มัฮ เยอุต, มัฮ แม เอลีเฟเลต.
40 กวน อุลัม แปน ตฮัน เกง เลือ. แมน เนอึม ละ โปยญ แตะ ทนู. กวนโซะ ลุกลัน อุลัม เซ เตือง โอยจ อื ไก ติ รอย ไม่ รฮอน ปุย. เมาะ ป เอีจ ไซฮ ปุย มอยฮ อื เซ มัฮ ตื จัตเจือ เบ่นยามิน.