2
Kwan kod nying joma ne otwe mane odwogo
1 Koro magi e joma noa e gwenge manoduogo koa e twech Babulon, kuma Nebukadneza ruodh Babulon noterogie. Negidwogo Jerusalem kod Juda, ka moro ka moro dok e dalane owuon,
2 ka gin kanyakla gi Zerubabel, Jeshua, Nehemia, Seraya, Relaya, Modekai, Bilshan, Mispar, Bigvai, Rehum kod Baana.
Kar kwan mar nying jo-Israel machwo e magi.
3 Nyikwa Parosh, ji alufu ariyo mia achiel gi piero abiriyo gariyo (2,172),
4 nyikwa Shefatia, ji mia adek gi piero abiriyo gariyo (372),
5 nyikwa Ara, ji mia abiriyo gi piero abiriyo gabich (775),
6 nyikwa Pahath-Moab (mowuok e dhood Jeshua gi Joab), ji alufu ariyo mia aboro gi apar gariyo (2,812),
7 nyikwa Elam, ji alufu achiel mia ariyo gi piero abich gangʼwen (1,254),
8 nyikwa Zatu, ji mia ochiko gi piero angʼwen gabich (945),
9 nyikwa Zakai, ji mia abiriyo gi piero auchiel (760),
10 nyikwa Bani, ji mia auchiel gi piero angʼwen gariyo (642),
11 nyikwa Bebai, ji mia auchiel gi piero ariyo gadek (623),
12 nyikwa Azgad, ji alufu achiel mia ariyo gi piero ariyo gariyo (1,222),
13 nyikwa Adonikam, ji mia auchiel gi piero auchiel gauchiel (666),
14 nyikwa Bigvai, ji alufu ariyo gi piero abich gauchiel (2,056),
15 nyikwa Adin, ji mia angʼwen gi piero abich gangʼwen (454),
16 nyikwa Ater (kowuok e dhood Hezekia), ji piero ochiko gaboro (98),
17 nyikwa Bezai, ji mia adek gi piero adek gadek (323)
18 nyikwa Jora, ji mia achiel gi apar gariyo (112),
19 nyikwa Hashum, ji mia ariyo gi piero ariyo gadek (223),
20 nyikwa Gibar, ji piero ochiko gabich (95),
21 jo-Bethlehem, ji mia achiel gi piero ariyo gadek (123),
22 nyikwa Netofa, ji piero abich gauchiel (56),
23 nyikwa Anathoth, ji mia achiel gi piero ariyo gaboro (128),
24 nyikwa Azmaveth, ji piero angʼwen gariyo (42),
25 nyikwa Kiriath Jearim, Kefira kod Beeroth, ji mia abiriyo gi piero angʼwen gadek (743),
26 nyikwa Rama kod Geba, ji mia auchiel gi piero ariyo gachiel (621),
27 nyikwa Mikmash, ji mia achiel gi piero ariyo gariyo (122),
28 nyikwa Bethel kod Ai, ji mia ariyo gi piero ariyo gadek (223),
29 nyikwa Nebo, ji piero abich gariyo (52),
30 nyikwa Magbish, ji mia achiel gi piero abich gauchiel (156),
31 nyikwa Elam moko, ji alufu achiel mia ariyo gi piero abich gangʼwen (1,254),
32 nyikwa Harim, ji mia adek gi piero ariyo (320)
33 nyikwa Lod, Hadid kod Ono, ji mia abiriyo gi piero ariyo gabich (725),
34 nyikwa Jeriko, ji mia adek gi piero angʼwen gabich (345),
35 nyikwa Sena, ji alufu adek mia auchiel gi piero adek (3,630).
36 Jodolo ne gin:
nyikwa Jedaya (mowuok e dhood Jeshua), ji mia ochiko gi piero abiriyo gadek (973),
37 nyikwa Imer, ji alufu achiel gi piero abich gariyo (1,052),
38 nyikwa Pashur, ji alufu achiel mia ariyo gi piero angʼwen gabiriyo (1,247),
39 nyikwa Harim, ji alufu achiel gi apar gabiriyo (1,017).
40 Jo-Lawi ne gin:
nyikwa Jeshua kod Kadmiel (mowuok e dhood Hodavia), ji piero abiriyo gangʼwen (74).
41 Jower ne gin:
Nyikwa Asaf, ji mia achiel gi piero ariyo gaboro (128).
42 Jorit dhoranga hekalu ne gin:
Nyikwa Shalum, Ater, Talmon, Akub, Hatita kod Shobai, ji mia achiel gi piero adek gochiko (139).
43 Jotij hekalu ne gin:
nyikwa
Ziha, Hasufa, Tabaoth,
44 Keros, Siaha, Padon,
45 Lebana, Hagaba, Akub,
46 Hagab, Shalmai, Hanan,
47 Gidel, Gahar, Reaya,
48 Rezin, Nekoda, Gazam,
49 Uza, Pasea, Besai,
50 Asna, Meunim, Nefusim,
51 Bakbuk, Hakufa, Harhur,
52 Bazluth, Mehida, Harsha,
53 Barkos, Sisera, Tema,
54 Nezia kod Hatifa.
55 Nyikwa jotij Solomon ne gin:
nyikwa
Sotai, Hasofereth, Peruda,
56 Jaala, Darkon, Gidel,
57 Shefatia, Hatil,
Pokereth-Hazebaim kod Ami.
58 Jotij hekalu kod nyikwa jotij Solomon, ji mia adek gi piero ochiko gariyo (392).
59 Magi e joma nobiro koa e mier mag Tel Mela, Tel Harsha, Kerub, Adon, kod Imer, to ne ok ginyal nyiso malongʼo ni anywolagi ne gin nyikwa Israel.
60 Nyikwa Delaya, Tobia kod Nekoda noromo ji mia auchiel gi piero abich gariyo (652).
61 Mago mane oa kuom jodolo ne gin:
nyikwa Hobaya, Hakoz kod Barzilai (ngʼatno mane okendo nyar Barzilai ma ja-Gilead to kendo ne iluonge gi nyingno).
62 Jogi nomanyo nonro mar anywolagi, to ne ok ginyal yudogi, omiyo nowegi oko mar joka jodolo kaka joma ochido.
63 Jatelo maduongʼ nomiyogi chik mondo kik gicham chiemo moro amora mopwodhi manyaka jadolo bedie ma puonjogi gi Urim kod Thumim.
64 Jogi duto noromo ji alufu piero angʼwen gariyo mia adek gi piero auchiel (42,360),
65 kiweyo jotijegi machwo kod mamon mane gin ji alufu abiriyo mia adek gi piero adek gabiriyo (7,337); kendo ne gin gi jower machwo kod mamon maromo ji mia ariyo (200).
66 Ne gin gi farese mia abiriyo gi piero adek gauchiel (736), kanyna mia ariyo gi piero angʼwen gabich (245),
67 ngamia mia angʼwen gi piero adek gabich (435) kod punde alufu auchiel mia abiriyo gi piero ariyo (6,720).
68 Kane gichopo e od Jehova Nyasaye man Jerusalem, jotend mier mamoko nochiwo chiwo mar hera ne gedo mar od Nyasaye e kare mane entiere chon.
69 Kaluwore gi nyalo mag-gi negichiwone kar keno kuom tijni drachmas alufu piero auchiel gachiel (61,000) mar dhahabu (marom gi kilo mia abich mar dhahabu), minas alufu abich (5,000) mar fedha (marom gi kilo alufu adek mar fedha) kod lep dolo mia achiel.
70 Jodolo, jo-Lawi, jower, jorit dhorangeye kod jotij hekalu nodak Jerusalem, kaachiel gi joma moko, to jo-Israel mamoko nodak e miechgi.