7
Bangʼ ka ohinga ne oseger kendo ne aserwako dhoudi kuonde mowinjore, ne ayiero jorit dhorangeye gi jower kod jo-Lawi. Jerusalem ne irito gi owadwa, Hanani kaachiel gi Hanania ma jatend kama ochiel motegno, nikech ne en ja-ratiro kendo noluoro Nyasaye moloyo joma moko. Ne awachonegi niya, “Dhorangeye ma Jerusalem ok yaw nyaka chiengʼ bed makech. Ka jorit rangach pod tiyo, to nyisgi gilor dhoudi kendo uchieg-gi gi lodi. Bende yieruru joma odak Jerusalem kaka jorit, jomoko uket machiegni gi kuondegi mag rito, to mamoko ubed machiegni gi utegi.”
Nying joma noduogo koa e twech
Koro dala maduongʼ ne lach kendo iye ne nigi thuolo, to ne nitiere ji manok e iye, kendo udi bende ne pod ok pok ochak ger. Omiyo Nyasacha noketo wachno e chunya mondo achok joka ruoth, jotelo, to gi oganda duto mondo ndik nying-gi dala ka dala. Ne ayudo kitabu mondikie nying joma nokwongo duogo. Ma e gima ne ayudo kondiki kanyo:
 
Kuom jo-Juda mane Nebukadneza ruodh Babulon otero e twech, magi joma noduogo Jerusalem gi Juda, ka ngʼato ka ngʼato dok e dalagi. Jotendgi ne gin Zerubabel, Jeshua, Nehemia, Azaria, Ramia, Nahamani, Modekai, Bilshan, Mispereth, Bigvai, Nehum, kod Baana.
 
Kar kwan mar nying jo-Israel machwo e magi:
Nyikwa Parosh, ji alufu ariyo mia achiel gi piero abiriyo gariyo (2,172),
nyikwa Shefatia, ji mia adek gi piero abiriyo gariyo (372),
10 nyikwa Ara, ji mia auchiel gi piero abich gariyo (652),
11 nyikwa Pahath-Moab (mowuok e dhood Jeshua gi Joab), ji alufu ariyo mia aboro gi apar gaboro (2,818),
12 nyikwa Elam, ji alufu achiel mia ariyo gi piero abich gangʼwen (1,254),
13 nyikwa Zatu, ji mia aboro gi piero angʼwen gabich (845),
14 nyikwa Zakai, ji mia abiriyo gi piero auchiel (760),
15 nyikwa Binui, ji mia auchiel gi piero angʼwen gaboro (648),
16 nyikwa Bebai, ji mia auchiel gi piero ariyo gaboro (628)
17 nyikwa Azgad, ji alufu ariyo mia adek gi piero ariyo gariyo (2,322),
18 nyikwa Adonikam, ji mia auchiel gi piero auchiel gabiriyo (667),
19 nyikwa Bigvai, ji alufu ariyo gi piero auchiel gabiriyo (2,067),
20 nyikwa Adin, ji mia auchiel gi piero abich gabich (655),
21 nyikwa Ater (kowuok e dhood Hezekia) ji piero ochiko gaboro (98),
22 joka Hashum, ji mia adek gi piero ariyo gaboro (328),
23 joka Bezai, ji mia adek gi piero ariyo gangʼwen (324),
24 joka Harif, ji mia achiel gi apar gariyo (112),
25 joka Gibeon, ji piero ochiko gabich (95),
26 jo-Bethlehem kod Netofa, ji mia achiel gi piero aboro gaboro (188),
27 joka Anathoth, ji mia achiel gi piero ariyo gaboro (128),
28 nyikwa Beth Azmaveth, ji piero angʼwen gariyo (42)
29 nyikwa Kiriath Jearim, Kefira kod Beeroth, ji mia abiriyo gi piero angʼwen gadek (743)
30 nyikwa Rama kod Geba, ji mia auchiel gi piero ariyo gachiel (621),
31 nyikwa Mikmash, ji mia achiel gi piero ariyo gariyo (122),
32 nyikwa Bethel kod Ai, ji mia achiel gi piero ariyo gadek (123),
33 nyikwa Nebo moko, ji piero abich gariyo (52),
34 nyikwa Elam moko, ji alufu achiel mia ariyo gi piero abich gangʼwen (1,254),
35 nyikwa Harim, ji mia adek gi piero ariyo (320),
36 nyikwa Jeriko, ji mia adek gi piero angʼwen gabich (345),
37 nyikwa Lod, Hadid kod Ono, ji mia abiriyo gi piero ariyo gachiel (721),
38 nyikwa Sena, ji alufu adek mia ochiko gi piero adek (3,930).
 
39 Jodolo ne gin:
Nyikwa Jedaya (mowuok e dhood Jeshua), ji mia ochiko gi piero abiriyo gadek (973),
40 nyikwa Imer, ji alufu achiel gi piero abich gariyo (1,052),
41 nyikwa Pashur, ji alufu achiel mia ariyo gi piero angʼwen gabiriyo (1,247),
42 nyikwa Harim, ji alufu achiel gi apar gabiriyo (1,017).
 
43 Jo-Lawi ne gin:
nyikwa Jeshua (mowuok e dhood Kadmiel kokalo kuom Hodavia), ji piero abiriyo gangʼwen (74).
 
44 Jower ne gin:
nyikwa Asaf, ji mia achiel gi piero angʼwen gaboro (148).
 
45 Jorit rangach ne gin:
nyikwa joka Shalum, Ater, Talmon, Akub, Hatita kod Shobai, ji mia achiel gi piero adek gaboro (138).
 
46 Jotij hekalu ne gin:
nyikwa
Ziha, Hasufa, Tabaoth,
47 Keros, Sia, Padon,
48 Lebana, Hagaba, Shalmai,
49 Hanan, Gidel, Gahar,
50 Reaya, Rezin, Nekoda,
51 Gazam, Uza, Pasea,
52 Besai, Meunim, Nefusim,
53 Bakbuk, Hakufa, Harhur,
54 Bazluth, Mehida, Harsha,
55 Barkos, Sisera, Tema,
56 Nezia kod Hatifa.
57 Nyikwa jotij Solomon ne gin:
nyikwa
Sotai, Sofereth, Perida,
58 Jaala, Darkon, Gidel,
59 Shefatia, Hatil, Pokereth-Hazebaim kod Amon.
60 Jotij hekalu kod nyikwa jotij Solomon ji mia adek gi piero ochiko gariyo (392).
 
61 Magi e joma nobiro koa e mier mag Tel Mela, Tel Harsha, Kerub, Adon kod Imer, to ne ok ginyal nyiso malongʼo ni anywolagi ne gin nyikwa Israel.
62 Nyikwa Delaya, Tobia kod Nekoda,
noromo ji mia auchiel gi piero angʼwen gariyo (642).
 
63 Mago mane oa kuom jodolo ne gin:
nyikwa Hobaya, Hakoz kod Barzilai (ngʼatno mane okendo nyar Barzilai ma ja-Gilead to kendo ne iluonge gi nyingno).
64 Jogi nomanyo nonro mar anywolagi to ne ok ginyal yudogi, omiyo nowegi oko mar joka jodolo kaka joma ochido. 65 Emomiyo, jatelo maduongʼ nomiyogi chik mondo kik gicham chiemo moro amora mopwodhi manyaka jadolo bedie ma puonjogi gi Urim kod Thumim.
 
66 Jogi duto noromo ji alufu piero angʼwen gariyo mia adek gi piero auchiel (42,360), 67 kiweyo jotijegi machwo kod mamon mane gin ji alufu abiriyo mia adek gi piero adek gabiriyo (7,337); kendo ne gin gi jower machwo kod mamon maromo ji mia ariyo gi piero angʼwen gabich (245). 68 Ne nitiere farese mia abiriyo gi piero adek gauchiel (736) kod kanyna mia ariyo gi piero angʼwen gabich (245) 69 ngamia mia angʼwen gi piero adek gabich (435) kod punde alufu auchiel mia abiriyo gi piero ariyo (6,720).
 
70 Jotend mier moko nochiwore tiyo tijno. Jatelo nochiwo e od keno dhahabu moromo kilo aboro gi nus, bakunde piero abich kod lep jodolo maromo mia abich gi piero adek mag jodolo. 71 Jotelo mamoko mag dhoudi notero dhahabu maromo kilo mia achiel gi piero abiriyo e od keno ne tijno kod fedha moromo kilo alufu achiel gi nus. 72 Gigo duto mane ochiw gi jogo modongʼne romo kilo mia achiel gi piero abiriyo mar dhahabu, kilo alufu achiel gi robo mar fedha kod lep jodolo maromo piero auchiel gabiriyo.
73 Jodolo, jo-Lawi, jorit dhorangeye, jower kod jotij hekalu, kaachiel gi jomoko kod jo-Israel mamoko, nodak mana e miechgi.
Ezra osomone jo-Israel Chike
Kane dwe mar abiriyo ochopo kendo jo-Israel noyudo osedak e miechgi,