Elin̄olo no waatu lya
Jowani
Okulimukisa
Elin̄olo lya Jodani no waatu naliku n̄oliwa kwa Mutumiwa Jowani mukaci no myaka (90 AD) munyima noku leiwa kwa Kilesite. Jowani kasikuku limukisa nji yokame omun̄oli, kono sebeli okwisana nji mukulu (3Jowani1.1). Kame anaku tenda kanyi mu lin̄olo no wili lya Jowani (2 Jowani1.1). Kame kulumelwa nji Jowani naku n̄ola eliywi akwamana kwa Jodani ni man̄olo aatu ni Jowani no weli, Jowani no wiili ni Jowani no waatu abo yo siyoya mu Efasesi.
Jodani nakun̄ola eli lin̄olo ku mulumeli wisainiwa Gayusi. Kame anaku limukisa Gayusi kanyi omulikani waaye ni kumwambela nji atambulange wino alumeli awo ana kwendanga mu sibaka.
Emitwi no Titaba
Jowani naku limukisa elin̄olo lyaye (3 Jowani1.1).
Cwale sebeli sususweza Gayusi ni kumu laela nji amonise ekamuhelo kwaao anakwiiya (3 Jowani1.2-8).
Esi sinakutatamako, sebeli wamba okwamana kwa lume ayili aisaniwa Diotilefisi ni Demiteliusi (2 Jowani1.9-12).
Amamaneneno sebeli omana elin̄olo lyaye (3 Jowani1.13-14).
1
1 Meene omukulu, kame ni n̄olela Gayusi
omusingiwa woyo ni singa mu niti.
2 Musingiwa, etapelo yange ninji einu yonje itende wino, mi oyoye wino kanyi Emebo yowe omu ikuketele.
3 Kame nina kuwabelelwa onene, abo aabetu ana kubiti bano aba ana kupaka eniti yowe, omu otwalelela okwenda mu niiti.
4 Ka kwisa esi sini wabeliswa oku bita esi, aba ni yupa nji anange kame aenda mu niti.
Gayusi kama Alumbekiwa
5 Omusingiwa, kame oli woyo noku sepahala kweyi otenda kwakwetu, simba nji naangenda.
6 Okame ana pake elilato lyowe balubala no keleke, watuse nji ate wino mu musipili woo, mu mukwa ou uwabelisa Nyambe.
7 Kakuli okwenda koo ni mulibaka no litina lya Jesu Kilesite kaa si tambula simweya kwawo no kwa pumena kwa Nyambe.
8 Aaci aasikupumena kame tufanena okwatusa nji, tu belekisane bamweya noo mu niti.
Diotilefi ni Demetiliusi
9 Kame ni naku n̄olela Endoo ya Nyambe, kono Diotlefi woyo osinga oku tenda ono weli kasiku tutambula.
10 Cwale aba sani iye, mba ni myambele eyo atenda neyo nokupula eyi no kwiiba atunungelelanga, kasa eyo fela, kono kame akanisanga nawo asinga okutambula aakwetu aasikupumena, mane ni kwaacita mu keleke abaasinga okutenda ngeeso.
11 Omusingiwa, ulese oku faniketa ouyi, kono ouwa. Woyo yonje otenda ouwa kame atunda kwa Nyambe, mi woyo otenda ouyi kasimona Nyambe.
12 Demetliusi kame apakwa wino kwaanu onje, mi eniti ni yonyene kame ipaka, Naaci kame tumu paka, mi kame alimukile nji oupaki weetu ni waniti.
Omulaano no Mamaneneno
13 Kame nili neyi no ku pula no ku kun̄ole la, kono ka nisingi okuku n̄olela mu ling'olo.
14 Kame ni nahana oku kumona wangu, mi mba twambola ni wene ni kanwa.
15 Ekozo iikale ni wene, alikani kame aku keeta. Oasikupumenase alikani mu matina oo.