100
Kanta te Kedalig te Nengazen
1 Sikiyu is menge etew kayi te tivuuk he kelibutan,
ugyab kew te kegkelipey tenged te Nengazen.
2 Silbiyi niw is Nengazen duma is kelipey.
Uvey kew ziyà te kandin he egkanta te kegkelipey.
3 Kilelaa niw he Megbevayà is Nengazen!
Iyan sikandin midlimbag kenitew, ne ǥaked kiw zin.
Menge etew kiw zin ne iring kiw te menge kerehidu he mid-elimahan din.
4 Seled kew ziyà te valey zin duma is kedalig wey kebpeselamat.
Deliǥa niw wey peselemati niw sikandin.
5 Su meupiya is Nengazen;
wazà pidtemanan te ǥaǥew zin,
ne ebpedayun is kebmetinumanen din te taman te taman.