124
Is Megbevayà Menlelavan te menge Etew Zin
1 Emun wazè kiw levani te Nengazen, hengkey vuwa is egkehitavù kenitew?
Tavak kew is menge tig-Israel!
2 “Emun wazè kiw levani te Nengazen hein midsurung kiw te menge kuntada tew,
3 mibpenhimetayan kiw zan en geina tenged te utew zan kegkepeuki kenitew.
4-5 Neiring kiw en pezem te naanud te zalem etawa nelened te meseleg he wahig.
6 Dait he edeliǥen is Nengazen, su wazè din ituǥut he zèdeeti kiw te menge kuntada tew he henduen be te menge langgam he zumezaas.
7 Nekepelaǥuy kiw iring te tagbis he nelitag he nekaawà su merunut en is tali.
8 Is tavang kenitew ne ziyà ebpuun te Nengazen he iyan mibaal te langit wey is kelibutan.”