126
Ampù para te Keluwasan
1 Hein impeuman ipeuswag te Nengazen is Zion, henduen be te teǥeinep dà heini.
2 Nemen-engit kiw wey migkanta kiw te kegkelipey.
Ne zutun migkaǥi is menge etew ziyà te zuma he menge nasyun te,
“Mibaal is Nengazen diyà te kandan te menge vaal he nezumahan te zekelà he ǥehem.”
3 Tutuu he mibaal is Nengazen te menge vaal he nezumahan te zekelà he ǥehem kayi te kenitew,
ne utew kiw zutun nengelipey.
4 Nengazen, ilikù nu is meupiya he kebpekesavuk dey
iring te nemezahan he wahig he newehiǥan en maan.
5 Berakat he sikan is nekesineǥew hein timpu te ked-ezek din, ne mebmelipayen emun edraǥun en.
6 Is midhipanew he nekesineǥew, he ed-uwit te venì he id-ezek, mekeulì sikandin he egkelipey is ed-uwit te neraǥun din.