3
Ampù te Kebpetavang
1 Nengazen, mahabet is kuntada ku;
mahabet is ebpekigkuntada kedì!
2 Kesikandan te kenè ke kun edtavang kedì.
3 Piru is tutuu, iring ka te kelasag he ebpengalang kedì.
Iyan ka ebeǥey kedì te kezeeǥan wey kelig-en.
4 Ed-umawen ku sikew, Nengazen, ne edtevaken a kenikew ziyà te segradu he vuvungan nu.
5 Edhizeǥà a wey edlipezeng ne egkepukew a,
ne wazà ebpekekaid kedì su iyan man ed-ipat kedì is Nengazen.
6 Minsan linibu pa he menge kuntada is edliǥuy kedì, ne kenà a egkahandek.
7 Sigi en, Nengazen he Megbevayè ku, libriya a!
Su zengan mibpeel-elezan nu is langun he kuntada ku he menge lalung;
ne in-awè nu is gehem dan he iyan pezem kedezaat kedì.
8 Iyan ka edlibri, Nengazen, wey edtuvad te menge etew nu.