67
Kanta te Kebpeselamat
1 He Megbevayà, kehizuwi key wey tuvazi key.
Ipeehè nu kenami is keupiya nu,
2 su para metueni ziyà te langun he menge nasyun te tivuuk he kelibutan is paaǥi nu wey is kedluwas nu.
3 He Megbevayà, berakat he edeliǥen ka te tivuuk he menusiyà.
4 Berakat he meǥalew he egkanta te kegkelipey is langun he menge etew kayi te tivuuk he kelibutan,
tenged te ketazeng te kedhukum nu kandan wey kegiyahi nu kandan.
5 Berakat he edeliǥen ka te langun he menge etew, Megbevayè ku.
6-7 Berakat he mebeǥey te sebpet is tanà.
Berakat he edtuvazan kiw te Megbevayè tew.
Berakat he edtahud kandin is langun he menge etew ziyà te minsan hendei kayi te kelibutan.