ጌኤዦ ማፃኣፖ ዓይኑሞ ማፃኣፖ 110

110

ዳውቴ ዓይኑሞ

ናንጊና ናንጋ ጎዳ ዶኦሬ ካኣቲ

1 ናንጊና ናንጋ ጎዳ ታ ጎዳሢም (ሜሲሄም)

«ኔ ሞርኮ ኔኤኒ ቶኪና ሄርቃንዳጉዲ

ታ ኔኤም ማሃንዳ ሄላንዳኣና

ሚዛቆ ዛላ ታኣኮ ዴዔ» ጌዔኔ። +

2 ናንጊና ናንጋ ጎዳ ኔኤኮ ዶዶ ካኣቱሞ

ፂዮኔይዳፓ ኬስኪ ዙሎ ሄላንዳኣና ዳልጊሻንዳኔ፤

ዒዚ፦ «ኔ ሞርኮ ኔ ዴማ ማሂ ዎይሤ» ጋዓንዳኔ።

3 ዖልዚ ዖላኒ ኔ ኬስካ ዎዶና

ኔኤኮ ዖሎ ዓሳ ናሽኪ ኔኤና ኬስካንዳኔ፤

ካሪፆ ዑፃ ኔ ሙኪ

ኔኤኮ ዲቃሢ ሄርሺሳ ዒጊቺፆና ፖዓኣና

ዖሎ ዼጌሢ ዓዳ ፆፆርቃ ዓቢጉዲ ማዒ ሙካንዳኔ።

4 «ኔኤኒ ሜልኬ ፃዲቄጉዲ

ናንጊና ቄኤሴ ማዒ ናንጋንዳኔ» ጌዒ

ናንጊና ናንጋ ጎዳ ጫኣቄኔ፤

ዒዚ ፔኤኮ ማሌ ማሊፆ ሺርሹዋሴ። +

5 ናንጊና ናንጋ ጎዳ ኔኤኮ ሚዛቃኬ፤

ፔኤኮ ጎሪንቶ ዓቦና ካኣቶ ዒ ጋኣጫንዳኔ።

6 ዴሮ ባኣካ ዒዚ ዎጋንዳኔ፤

ዖሎ ቤዞዋ ሌሲ ሌሊ ማሃንዳኔ፤

ሳዖይዳ ዓኣ ካኣታ ቢያ ጋፒ ባይቃንዳኔ።

7 ዒዚ ጎይፆ ዓጫ ዓኣ ዓልቃ ዋኣፆ ዑሽካንዳኔ፤

ዬያሮ ዒዚ ዼግ ዼጊ ጋዓንዳኔ።

+ 110:1 ማቲ. 22፡44፤ ማር. 12፡36፤ ሉቃ. 20፡42-43፤ ዳኪ. ማዾ 2፡34-35፤ 1ቆሮ. 15፡25፤ ዔፕ. 1፡20-22፤ ቆላ. 3፡1፤ ዔብ. 1፡13፤ 8፡1፤ 10፡12-13። + 110:4 ዔብ. 5፡6፤ 6፡20፤ 7፡17፤21።