15
Sivarai heḡereḡerena: mamoe e dobi
1 Tax gogo taudia bona kara dika taudia iboudiai na iena hereva ikamonaina totona e raka kahi lao.
2 A Farisea taudia bona itorena taudia e maumau, eto, Ina tau ese dika taudia e abidia daemu bona idia ida e aniani heboumu.
3 Bena ia ese ina sivarai heḡereḡerena e henidia, eto,
4 Umui daika ena mamoe bema sinahu-ta, a tamona bema dobi, ia na taurahani-ta-ahui taurahani-ta tano ḡaḡaena ai basinema rakatanidia, e dobi mamoena basinema ha tahua ela bona bema davaria?
5 Baine davaria negana ai, ia na paḡana ai baine huaia baribara mai moalena ida.
6 Baine lasi, ena ruma ai baine kau, bena turana bona dekena taudia baine gogodia, baineto “Aita moale hebou, badina be egu mamoe, e dobi ḡauna, vada na davaria”.
7 Na hamaoromuimu, dika tauna ta e helalo kerehaimu dainai guba ai moale baine bada; a kara maoromaoro taudia taurahani-ta-ahui laurahani-ta asie helalo kerehaimu daidiai guba ai moale baine maraḡi.
Sivarai heḡereḡerena. Moni e boio
8 Edena hahine, ena moni bema gwauta a tamona bema boio, ia na lamepa basinema haraia, ruma basinema daroa, basinema tahua ḡoevaḡoeva ela bona bema davaria a?
9 Baine davaria negana ai, ia ese turana bona dekena hahinedia baine gogodia, baineto “Aita moale hebou, badina be egu moni, e boio ḡauna, vada na davaria”.
10 Na hamaoromuimu, dika tauna ta e helalo kerehaimu dainai Dirava ena aneru unu bae moak toma.
Sivarai heḡereḡerena: Mero e raka boioboio
11 Ma eto, Tau ta na mai natuna rarua.
12 Tau muritai ese tamana e hereva henia, eto, Tamagu e, iseda kohu mani a hari, lau ahugu na a henigu. Bena ena kohu idoinai raruosi e hari henidia.
13 Dina dia hoho vada ela, tau muritai ese ena kohu idoinai e haboua, bena eha laolao, tano daudauna ela, unuseni ai ena kohu eha lebulebulai.
14 Ena kohu e ore negana ai, una tano ai doe bada e vara; ia vada e ogoḡami.
15 Bena ia na ela, una tano tauna ta dekenai e ḡaukara; una tau ese e siaia, iena tano ai boroma baine reḡudia.
16 Bena boroma adia aniani ianina e urava, bogana aine kunu helaoleana; badina be tau ta ese ana se heniava.
17 Bena lalona e parara, eto, Tamagu na mai ena hesiai taudia hutuma, mai davadia, bona adia bahu momo mimia; a lau be vada eme hitologu mase.
18 Aina tore isi, tamagu dekena bainala, bainalo “Tamagu e, lau na Guba Biaguna vairanai bona oi vairamu ai vada na kara havara;
19 lau na dia heḡereḡere oi natumu ba gwauraigu; emu hesiai laugu ai ba halaogu, mai davagu”.
20 Bena e tore isi, tamana dekena ela. Ia na dala amo e laova, ruma e raka henia e laova ai, dauhai tamana ese e mataia davari, bena e bogaia hisi, e heau lao, aiona ai e hahegagiu dae, e harahua.
21 A natuna ese e hamaoroa, eto, Tamagu e, lau na Guba Biaguna vairanai bona oi vairamu ai vada na kara havara; lau na dia heḡereḡere oi natumu ba gwauraigu.
22 A tamana ese ena hesiai taudia e hamaorodia, eto, Dabua namo-hereana ta a mailaia, a hadokilaia; imana kwaki-kwakina ḡauna bona tamaka danu a mailai;
23 boromakau natuna, heubu ḡauna, a mailaia, bavalaia; baita aniani, baita moale hebou.
24 Badina be ina natugu e mase, to vada eme mauri; e boio, to vada name davaria. Bena idia na e moale hebou.
25 A tau guna na uma ai; bena ruma iraka-henina ai ivilikou bona mavaru reḡedia e kamonai.
26 Bena hesiai tauna ta e boiria, una reḡe badina e nanadailaia.
27 Ia eto, Tadimu vada ema, bena tamamu ese boromakau natuna, heubu ḡauna, vada e alaia; badina be natuna be mai maurina bona mai namona ida vada e davaria.
28 To ia na e badu, ruma ai se raka vareai. Bena tamana e raka lasi, e hamarumarua toho.
29 To ia ese tamana e haere henia, eto, Lau na laḡani diaḡau oi isiaimu vada na lao heni, bona emu haheḡani ta asina tataia utu; a nega ta nani natuna ta to henigu, nega ta lau turagu ida ini asia moale toma.
30 A ina natumu ese ariara hahinedia dekediai emu kohu vada e ha-ore lao, bena vada e lou mai, oi ese boromakau natuna, heubu ḡauna, vada o alaia ia ana.
31 A tamana eto, Natugu e, oi be lau dekegu ai noho, dekegu ḡaudia iboudiai oi mo emu.
32 A namo baita moale, baita hisi dae; badina be ina tadimu e mase, to vada eme mauri, e boio, to vada tame davaria.