4
Sivarai heḡereḡerena: Uit iḡiḡi-rohorohona
1 Ia ese kone ai ma e hadibadia lou. Bena hutuma uada na ia dekenai e hebou; taunabunai ia na vanaḡi auta ai e gui gohu ai, bena vanaḡi latanai e helai diho, a taunimanima iboudiai be kone ai nonoho.
2 Ia ese sivarai heḡereḡeredia amo e hadibadia, bona ena hahediba herevadia ai e hamaorodia, eto,
3 A hakala: uhe ihadona tauna ta ese uit iḡiḡirohorohona totona e vareai.
4 Bena e ḡiḡi rohorohova ai na haida dala isena ai e moru, bena manu ese e ani ore.
5 Haida be papapapa ai e moru, tano severana ai; bena e tubu haraḡa, badina be tano na dia uduna.
6 Bena dina e dae, vada e marai bona e kakoro, asi ramudia dainai.
7 Ma haida be ava giniḡini ai e moru, bena ḡiniḡini e tubu badabada, e habubunidia; taunabunai, unu danu asi anidia.
8 A haida be tano namona ai e moru, bena e tubu ḡoevaḡoeva, e dobi, haida toi-ahui, ma haida tauratoi-ahui, ma haida sinahu-ta.
9 Ia eto, Mai taiana tauna na baine hakala.
10 Sibona e nohova ai, e badinaiava taudia bona gwauta-rarua taudiaese una sivarai heḡereḡerena e nanadailaia.
11 Ia ese e haere henidia, eto, Dirava ena basileia herevadia hehunidia na emui ai hehedinararai, a unu murimuri taudia na sivarai heḡereḡeredia amo na hadibadiamu.
12 Taunabunai,
E roharohamu, to asie itamu;
E hakalamu, to asie kamonaimu:
Bae helalo kerehai bona edia dika bae hegwau tao na garina.
13 Ma eto, Ina sivarai heḡereḡerena anina asi dibamui a? Matona sivarai heḡereḡeredia haida ma ede ba diba toma?
14 E ḡiḡi rohoroho tauna ese hereva e ḡiḡia rohoroho.
15 Dala isena ai e moru ḡaudia be taunimanima hereva e kamonaimu ai, Satana na e maimu, hari hereva lalodia ai e hehado na ia ese e abia ohomu.
16 Papapapa ai e moru ḡaudia be taunimanima hereva e kamonaimu ai e moalemu;
17 a idia na asi ramudia, e mia kavamu, bena hereva dainai hisihisi eiava daḡedaḡe e varamu ai, idia na e hekwakwanaimu.
18 Ma ava ḡiniḡini ai e moru ḡaudia be taunimanima hereva e kamonaimu,
19 a tanobada ena lalo-haguhi bona kohu igahusina bona hedibaḡani idau-idau ese hereva e habubuniamu, taunabunai ia na asi huahuana.
20 A tano namona ai e moru ḡaudia be taunimanima hereva e kamonairnu, bena lalodia ai e abia daemu, taunabunai huahuana e dobimu, ta toi-ahui, ta tauratoi-ahui, ma ta sinahu-ta.
Diari herevadia
21 Ia ese ma e hereva henidia, eto, Lamepa bae mailaia, tohe amo bae karuhia ahu, eiava pata henunai bae laia vareai a? Lasi, lamepa patana ai bae laia kau, ani?
22 Hehuni ḡaudia iboudiai do bae hedinarai; lalo-tao ḡaudia iboudiai do bae gwaurai.
23 Mai taiana tauna na baine hakala.
24 Ma eto, Ba kamonai herevadia na nahuadia ba toho; ba heni hahetohona amo do bae henirnui, ma taidia ma bae ato kau.
25 Badina be mai ena ḡau tauna ena ma bae henia, a asi ena ḡau tauna ena amo miana ḡauna do bae abia oho.
Sivarai heḡereḡerena: Uhe sibona e tubu
26 Ia eto, Dirava ena basileia na tau ta na heto, uit uhedia na uma ai ella ḡiḡi rohorollo.
27 Bena hanuaboi ai e mahuta, dina ai e noga, a unu uhe na sibodia tuhutuhudia e tubu, ta na edia tubu dalana asi dibana.
28 Tano sibona anina e havaraiamu, tuhutuhuna na guna, murinai na peka, gabeai anina peka lalonai.
29 A anina baine lo, vada baine utua, badina be taboro negana bunai.
Sivarai heḡereḡerena: Sinapi nadinadina
30 Ma eto, Dirava ena basileia na dahaka ai baita haheḡereḡerea? Sivarai heḡereḡerena edehetomana ai baita hahedinaraia?
31 Ia na sinapi nadinadina ta na heto, tano ai e hadoamu negana ai tanobada uhedia iboudiai ia mo sibona maraḡi-maraḡi herea.
32 To e hadoamu, bena e tubumu, ela bonaaniani avadia iboudiai e tubutanimu, rigina danu e badamu, bona atai manudia ese ikerukeruna ai laḡadia e animu.
33 Sivarai heḡereḡeredia unuhetomadia diaḡau amo ia ese e hadibadiava, edia kamonai heḡereḡerena.
34 Sivarai heḡereḡeredia amo e hadibadiava; a ena hahediba mo sibodia ediai hereva iboudiai anidia e hahedinaraiva.
Iesu ese lai bona hurehure e gwau tao
35 Una dina kerekerena ai, ia ese ena hahediba e hamaorodia, eto, Gohu unukahana aita heau hanai.
36 Bena ia ese hutuma e rakatanidia, idia ida vanaḡi ai e gui. Vanaḡi haida ese e bamodia.
37 A lai gubana ta ediai e kau, bona hurehure vanaḡi ai e roho uda, bena mokona e mutu.
38 A ia na vanaḡi gabenana ikurena ai e hekwina, e mahuta. Bena e haoa, eto, Hahediba taumu e, be maloadamu to laloamu a?
39 Bena ia e tore isi, lai e gwaua tao, bona hurehure e gwau heni, eto, A gaima! Bena lai e doko, e gaima.
40 Bena e gwau henidia, eto, Dahaka dainai o garimu? Edeheto asi emui abidadama?
41 A idia na e gari dikadika, e hereva heheni, eto, Ina lai bona hurehure ese erena e kamonaimu tauna be daika?