5
አማንዛ አስ ጋንጨ የዝ ዬላꬅዛ ኦሶ
1 ይ ጋንጨ ላግተ የዛይ ዝግርንትዛ። የይ ጋርክ ላግታ ሀራ አቶዝን፥ አማኖዋ አሳይካ ኦꬆያ። ይ ጋንጨ ፋ አደ ማችራ ቱኔዝ አሲ የዛ።
2 የዝን ይ ቂራꬎዳይስኔ ዬላቶዳይስ ቤዝዛ፥ ዝን ኡትርትዛ። የይ ጋርክ ቦርሶ ባዝ ኦꬄዝ አꬃ ይ ጋንጨፕ ከሶዳይስ ቤዞሳ?
3 ታኒ አሾር ይንታር የዛም እጽኮካ አያናር ታ ይንታር የዛ። ታኒ ይንታር የዝ አስ ጋርክ ሀኒ የይ ጋርክ ኦሳ ኦꬄዝ አꬃይል አፋ ፕርዴዛ።
4 ኑ ጎዳ የሱስ ክርስቶሳ ሱንꬃር ይ ሺቆዳር ታኒ አያናር ይንታር የዞዳ። ኤዛይድ ጎዳ የሱስ ክርስቶሳ ዎልቃይ ይንታር ማቆዳ።
5 የ አꬃይ ናጋራ አሻይ ꬋብን፥ ኤ አያናይ ጎዳ የሱሳ ፕርዳ ጋላስ አቶዳይ ጋርክ ኤ ጻላሄስ ኣꬊ እንግንቶ።
6 ይ ጋይርንታይ ሎኦ ባያ። ጽቃ እርሾ ሙኑቆ ኡባ ደንꬅዛና ይ ኤሮሳ?
7 ይ Ꮊት እርሾ ባ ሙኑቆ ማቆዳይ ጋርክ፥ ናጋራ እርሾ ይንታፕ ከሶይታ። ኑስ ፓዝቃ ዱር ማቄዝ ክርስቶሳ ያርሽንቴዛ።
8 የይ ግሾስ፥ ገነኔ ኢታትꬂ የዝ እርሾር ባዝን ቱማትꬃራኔ ጌሻትꬅ የዝ ቦራር ኑ ባለ ቦንቾዳ።
9 ታ ቲና ጻፌዝ ዳብዳባይድ ይ ላግትዛ አሳና ሄላማይ ጋርክ ይንትስ ኦዴዛ።
10 የያ ጉሳይ Ꮊ አላመል የዝ ላግትዝታ ዎይ ናጋራስ ተንቶትዝታ ዎይ ሱቃትዝታ ዎይ ቦንቂዝታ ዎይ ኤቃስ ጎይንዝታ ኡባር ሄልፓተ ጉስ ባያ። የያ ማቅኮ፥ Ꮊ አላማይፕ ይ ከዞዳይስ ቤዝዛ ዝን አቴዛ።
11 ዝን አማንዛ ጊንቲ ላግትዝታ ዎይ ተንቶትዛ ዎይ ኤቃስ ጎይንዝታይር ዎይ ጫዥዝታይር ዎይ ማꬅዝታይር ዎይ ቦንቂዝታይር ወል ሄልፓተ ግ ይንትስ ኦድዛ። የይ ጋርክ አሳይራ ሀራ አቶዝን፥ ካꬃካ ሚፓተ።
12 ዎሳ ኬꬃፕ ባለር የዝታይል አፋ ፕርዶዳይስ ታና አብ ሄልꬄ? ዎሳ ኬꬃ የዝታይል አፋ ይ ፕርዶሳኔ?
13 ዝን ባለራ የዝታይል አፋ ጾስ ፕርዶዳ። የ ኢታ ባዝ ኦꬅዝ አꬃ ይ ጋንጨፕ ከሶይታ።