6
1 ኑኒ ጾሳር ዎላ ኦꬅዛ አስ ማቄዛይ ጋርክ፥ ይ ኤኬዝ ኣꬎ ኬሃትꬃ ጨረ ማሃማይ ጋርክ ኑ ይንታን ዎስዛ።
2 ጾሳይ፥
«ታ ነና ስኦድ ዎደ ስኤዛ፤
አቶትꬅ ጋላስ ነና ማዴዛ»
ዬግዛ። ዬዛኮ፥ ታ ስኦድ ዎዳይ Ꮊተ፤ አቶትꬅ ጋላሳይካ Ꮊይኖ።
3 ኦንካ ኑ ኦሳ ቦራማይ ጋርከኔ ኑር ꬉብንቶዳይ ጋርክ ኮዮያ።
4 ሀኖ ዝን፥ ኑ ቱማ ጾስ ኦሳንችታ ማቄዛና ኑ ኦꬅዛ ኡባ ባዛር ቤዜዛ። ጋመ ጋርዦር፥ ዋዬር፥ መቶር፥ ኡንኣር፥
5 ጋራፍንትꬃር፥ አቻር፥ ጫቦትꬃር፥ ኦꬆር ዳቡራር፥ ገንታ ꬋቦር፥ ጾማር፥
6 ጌሸትꬃር፥ ኤራትꬃር፥ ዳንዳአር፥ ኬሃትꬃር፥ ጌሻ አያናር፥ ቱማ ሲቆር፥
7 ቱማ ኦዳራኔ ጾስ ዎልቃር ኑኒ ኤ ኦሳንችታ ማቄዛና ቤዜዛ። ማ ጽሎትꬃይ ኑስ ቶራኔ ጎንዳለ።
8 ኑኒ ቦንችንቶዳይስ ቶሽንቶዳይስ፤ ጫዥንቶዳይስኔ ጋላትንቶዳይሲ ጊግንቴዛ። ቱማ ናሼዝታ፥ ዝን አሳይ ኑና ዎርዶትዝታ ጌዛ።
9 ኑ ኤርንቶዋ አስ ኣዝታር ኤርንቴዝታ ማቄዛ። Ꮊይቄዝታ ዬግንቴዝታ፥ ዝን ፓጻ የዛ፤ ሾጭንቴዛ፥ ዝን Ꮊይቀካያ።
10 ኑኒ አዛንኮካ ኡባ ዎደ ኡፋይትዛ። ኑኒ ማንቆ ኣዝዛ፥ ዝን ጋመ አሳ ዱርሴዛ። ማ አኮካ ባ አስ ኣዜዛ፥ ዝን ኡባይ ኑባዝ።
11 ይንትኖ ቆሮንቶሳ አሳዮ፥ ኑ ይንትስ ጌሺ ኦዴዛ፤ ኑ ኡላ ይንታን ዉርሲ ቤዜዛ።
12 ይ ኑና ይ ሲቆ ቤዞዋ ካየነፕ አትን ኑ ኑ ሲቆ ይንታን ካየካያ።
13 አደ ፋ ናእታይስ ኦድዛይ ጋርክ ታ ይንትስ ኦድዛ፤ ኑ ይንታን ኑ ኡላ ቤዜዛይ ጋርክ፥ ይንትካ ይ ኡላ ኑና ቤዞይታ።
አማኖዋ አሳይር የዝ ፐትፐተꬃ አሾ
14 አማኖዋ አሳይር ቤዞዋ ኦገር ዋጽንትፓተ። ጽሎትꬅኔ ናጋራ አብ ዎል ሄልꬄ? ፖኦስኔ ꬉማስ አባ ፐትፐተꬂ የኔ?
15 ክርስቶሳኔ ጻላሄ ዎል ሄልꬅዛ ባዝ አባ? ማ አማንዛይኔ አማኖዋዛይ ፐትፕ ኮጽዛባዝ አባ?
16 ጾስ ኬꬃይስ ኤቅታይር አባ ፐትፐተꬂ የኔ? ጾሳይ፥
«ታኒ ኡ ጋንጨ የሳዳ፥
ኡ ጋንጨር የꬎዳ።
ታኒ ኡ ጾስ ማቆዳ፤
ኡንትካ ታ ዎያ ማቃዳ»
ጌዛይ ጋርክ፥ ኑኒ ደኦ ጾስ ኬꬄ።
17 የይ ጋርከካ፥ ጎዳይ፥
«ኡንቲ ጋንጨፕ ሻክንቲ ከዞይታ፤
ቱና ማቄዝ ባዝ ቦችፓተ፤
ታ ይንታን ኤኮዳ።
18 ታ ይንትስ አደ ማቃዳ፤
ይ ታስ ዲርꬅ ናእታኔ ማች ናእታ ማቃዳ፤
ዬግዛ ኡባፕ ዎልቃማ ጎዳይ» ዬጌዛ።