5
ዱርታይስ እንግንቴዝ ናግሶ
1 Ꮊተካ ይንታኖ፥ ዱርታዮ፥ ይንታል አፋ ኢታ መታይ ይእዛ ግሾስ ዎ ዎ ግ ዬኮይታ።
2 ይ ሻላይ ቡቄዛ፤ ይ አፍላይካ ብላር ሚንትንቴዛ።
3 ይ ዎርቃይኔ ይ ብራይ ባልቴዛ። የ ባልትꬃይ ይንትስ ማርካ ማቃዳ። የይካ ይ አሻ ታማ ጋርክ ማዳ። ይ Ꮊ ዉሬዝ ቃምታይድ ይንትስ ሻሎ ጋንꬄዛ።
4 ይንቲ ጋደ ኦꬂ ፔዤዝ አሳይ ከራ ሚሸ ይ ጭግበኤካያ። የይ ይንታል አፋ ኡክዛ። የ አሳይ ኡፋይ ዎልቃማ ጎዳይ ሀየ ስንቴዛ።
5 Ꮊ ሳአል ይንትስ ጊግን ኡፋይሳር የሳዳይስ ቆፒ፥ ሹኮስ ጊግንቴዝ መሄ ጋርክ ይንታን ꬊክ ኦርድሴዛ።
6 ይንታር ኤቅንቶዋዝን ጽላያ ይ ፕርዴዛ፤ ኤዛ ዎꬌዛ።
ጋርዦኔ ዎሳ
7 ታ እሹንꬆ፥ ጎዳይ ይእꬃ ጋርዢ ናጎይታ። ዎታር አቅዝ አꬃይ ቶርቼል ቲና እራኔ ጉየ እራ የኦድ ጋꬆ ጋርዢ አልኦ ካꬃ ቢታፕ ዋይዚ ናጊ ሄልꬂ ኤክዛኮ ቆፖይታ።
8 ይንትካ ጋርዦይታ። ጎዳ ይእꬃይ ኡኬዝ ግሾስ ኡፋይሳር ናጎይታ።
9 ታ እሹንꬆ፥ ጾሳይ ይንታል አፋ ፕርዳም ጋርክ ፐታይ ፐታይል አፋ ዝግርፓተ። ፕርድዛይ ፐንገል ኤቄዛ።
10 ታ እሹንꬆ፥ ዋዬር ጋርዤዝ፥ ጎዳይ ሱንꬃር ኦዴዝ ናብታ ኣዝሶ ኡዲ ኤኮይታ።
11 ዳንዳአር ጋርዤዝታ ኑኒ አንጅንቴዝታ ግዛ። ኢዮባ ዋይዚ ጋርዤዛኮ ይ ስኤዛ። ጎዳይ ዉርስꬃል ኤዛ ዋይዚ ማዴዛኮ ይ በኤዛ። ኤ ማሮትꬅኔ ቃ ኩሜዝ ጎዳ ማቄዝ ግሾስ የያ ኦꬄዛ።
12 ዝን ኡባፕ ቲና፥ ታ እሹንꬆ፥ ሳሎር ማቅን ዎይ ሳአር ማቅን ዎይ ሀራ አባራካ ጫቂፓተ። ጾስ ፕርዳ ይ ገላማይጋርከ ይ ኦዳይ ኤ ማቅኮ፥ «ኤ» ጎይታ፤ ዋኣ ማቅኮ፥ «ዋኣ» ጎይታ።
13 ይ ጋንጨ መቶ ኤክዛ ኦንካ የዝኮ ጾሳ ዎሶ። ኡፋይትዛ ኦንካ የዝኮ ጋላታር የጾ።
14 ይንትፕ ሀርግንቴዝ ኦንካ የዝኮ ዎሳ ኬꬅ ጭምታ ጼጎ። ኡ ጎዳይ ሱንꬃር ዎይራ ዛይተ ትዢ ኤዝስ ጾሳ ዎሶ።
15 አማኖር ዎሴዝ ዎሳይ ሀርገር የዛና ፓꬅዛ። ጎዳይ ኤዛ፥ ሀርገፕ ደንꬅዛ፤ ኤ ናጋራ ኦꬄዝ ባዝ ማቅኮካ ጎዳይ ኤዛ ማርዛ።
16 የይ ግሾስ፥ ይ ፓጾድ ጋርክ ይ ናጋራ ፐታይ ፐታይስ ፓጾይታኔ ፐታይ ፐታይስ ዎሶይታ። ጽሎ አስ ዎሳይ ዎልቃማ ኦሶ ኦꬅዛ።
17 ኤላሳ ኑ ጋርክ አስ ዝን እራ ሳአል ቡካማይ ጋርክ ሚንꬂ ጾስ ዎስን ሀይꬒ ላይꬅኔ ኡሱፑን አግና ሳአል እራ ቡከካያ።
18 ማቂ ኤ ጾሳ ዎስን ሳሎፕ እራ ቡኬዛ፤ ሳአይካ ካꬃ ዶልሴዛ።
19 ታ እሹንꬆ፥ ይንታፕ ኦንካ ቱማ ኦገፐ ቡትኮ፥ ሀራይ ኤዛ ቱማኮ ማህኮ፥
20 ናጋራ ኦꬅዛና የ ቡታ ኦገፐ ማህዝ ኦንካ፥ ኤ ሸምፖ Ꮊይቆፕ አሽዛኔ ኤ ጋመ ናጋራይስ ማሮትꬅ እንግዛና ኤሮ።