1 ታ ሲቆ እሹንꬆ፥ Ꮊይ ታ ይንትስ ጻፌዝ ዳብዳበ ናምእንꬆ ኪታ። ታኒ Ꮊ ናምኢ ዳብዳቢታካ ይንትስ ጻፌዛይ፥ ይ ሉለ ቆፋ ቆፖድ ጋርክ ይንታን ደንꬅꬆዳይሲ። 2 ማ ጌሽ ናብታይ ብኒ ኦዴዝ ቃላኔ ኑና አሽዛ ጎዳይ፥ ሀዋርታይ ባጋር ኪቴዝ ኪታ ይ ቆፖዳይ ጋርክ ኮይዛ። 3 ኡባፕ ቲናቲ፥ ዎደ ዉርስꬃ ፋ አሞ ካሊ አስ ቶችዝታይ የኦዳና ኤሮይታ። + 4 ኡንትስ፥ «ጎዳ የሱሳ ይእዛ ግ እንጌዝ ኡፋይስ ቃላይ አባ የኔ? ኑ አድታይ Ꮊይቄዛ፥ ዝን ኡባ ባዝ ሳአ መꬊንቴዛይፕ አይኪ የዛይ ጋርክ የዛ» ዬግዛ። 5 ጋመ ዎደፕ ቲና ሳላይ ጾስ ቃላር መꬍንቴዛ፤ ማ ሳአ ሃꬃፐኔ ሃꬃር መꬍንቴዛና ኤርታር ካድዛ። + 6 የ ዎደ የዝ አላማይ ሃꬃር ምትንቲ ꬋቤዛ።+ 7 ዝን Ꮊት የዝ ሳላይኔ ሳአይ፥ ጾስ ጎይኖዝታይ ፕርድንትዛ ጋላስኔ ꬋቦድ ጋላሳይ ሄሎዳይስ የ ቃላይር ታማስ ናግንቲ የዛ።

8 ዝን ታ ሲቆ እሹንꬆ፥ ይንታን ማቅኮ ጎዳይ ካለ ፐቲ ጋላሲ ሙኩለ ላይꬅ ማቄዛናኔ ሙኩለ ላይꬅ ፐቲ ጋላሳ ማቄዛና Ꮊ ፐቲ ባዝ ዶግፓተ። + 9 ፐታይ ፐታይ ጋምኤዛ ግ ቆፕዛይ ጋርክ፥ ጎዳይ ፋ ኡፋይስ ቃላይ ግሾስ ጋምኤና። ዝን ኦንካ ꬋባማይ ጋርክ ኮዪ፥ ኡባይ ፋ ናጋራፕ ማቆዳይ ጋርክ ይ ግሾስ ግ ጋርዥዛ።

10 ዝን ጎዳይ ጋላሳይ ካይዞ ጋርክ የኦዳ። የ ጋላስ ሳልታይ ዎልቃማ ጉምꬃር ꬋቦዳ፤ ሳሎ መትꬅታይ ታማር ጹግንቶዳ፤ ሳአኔ ሳአል አፋ የዝ ኡባይ ꬋቦዳ።+ 11 ይኬ፥ ኡባ ባዝ የይ ጋርክ ሀኒ ꬋብዛ ባዝ ማቅኮ ይ ዋያዳይስ ቤዜ? ይ ጌሽኔ ጾስ ኣዝዛ የስ የዞዳይስ ቤዝዛ። 12 ይ ጾስ ጋላሳ ይእꬃ ላሞꬃኔ ኤለር ሄሎዳይ ጋርክ ጽሎትꬅ ኦꬆ ኦꬆይታ። የ ጋላስ ሳሎኔ ኤዛይድ የዛ ባዝ ታማር ጹግንቶዳ፤ ዎልቃማ ምሻር ትልኦዳ። 13 ዝን ኑኒ ጽሎትꬅ የዝዝ ኦሮꬅ ሳሎኔ ኦሮꬅ ሳአ ጾስ ኡፋይስ ቃላር ናግዛ። +

14 የይ ግሾስ፥ ታ ሲቆ እሹንꬆ፥ ኑ የ ጋላሳ ናግዛ ግሾስ ጎዳይ ይ ቦርሶኔ ቦሮ ባዝታ ማቂ፥ ሳሮር የዝን ደንጎዳይ ጋርክ ሚንጎይታ። 15 ጎዳይ ጋምኤዛይ ይ አቶዳይ ጋርክ ማቄዛና ዶግፓተ። ማ ኑ ሲቆ እሻይ፥ ጳዉሎሳ፥ ጾስ ኤስ እንጌዝ ኤጨትꬃር Ꮊይ ጋርክ ይንትስ ጻፌዛ። 16 ኤ ፋ ጻፌዝ ኪትታ ኡባይድ የይትታይ ባዝ ጻፌዛ። ኤ ጻፌዝ ኪትታይ ጋንጨ አካኮዳይስ ዋይስዛ ቆፍታይ የዛ። ታማረካኔ ምንገካ አስታይ ሀራ ጾስ ቃላ ምርቅዝታይ ጋርክ Ꮊ ኪትታካ ꬋብሶዳይስ ማቺ ምርቅዛ።

17 የይ ግሾስ፥ ታ ሲቆ እሹንꬆ፥ ይ የያ ቲና ኤርዛ ግሾስ ዡጭታይ ባልꬃይር ዶሽንቲ፥ ꬋባማይ ጋርከኔ ሚንጊ የዝ አቃይፕ ፖካማይ ጋርክ ናግንቶይታ። 18 ኡባራካ ይ ኑና አሽዛ ኑ ጎዳ፥ የሱስ ክርስቶሳ ኣꬎ ኬሃትꬃይራኔ ኤራትꬃር ድጮይታ። ኤስ Ꮊተካ መꬍናስካ ቦንቾ ማቆ። አምንኤ።