23
Nyupara manu Yajikku
Julyjujanu 23—25:7-11
Jaara miturringu
Julyjujanu 23:1-19
Jara rawa nyinapayi, wan yantartan tuwinti japan, palunyajanu miturringu. Ngurra Yipurunja Yipurampa yulamara. Ngurra Yipurunpa ngarinpa parnangka Kayinanja. Purtu kulirnu tuunyjunkukijalu. Palunyamartaji-jananya yanu japirnu yirnaparaku, ngurra payamunkuraku. Jiikajaku-janampa mitunyjanirripurluka Yituta julyju nyinapayi. Wajarnuraya Yipuramku, “Yarra nyawa puntu Yipurunpa!, palunyalu yirnalu ngurra kanyirnin.” Yipuramju yanu japirnu, ngurra payamunkukijalu. Kulirnu pirnkingka jiingka ngarrijunkukijalu. Yipurunjura wajarnu, “Mirtarnin mani yuwa!, paki, yumulurnanta yungku.” Yipuramju marrkurnu, “Manirnanta yungku, ngurra palunyaku, pirnkiwintiku.” Yipurunpara yungu mani Yipuramju, laltu kujupangka kurungka. Palunyajanu yanu marlaku ngurrakarti, nyupapartarnu manuka ngarrijunu pirnkingka, kayilapa junu yanu.