27
Deibid I Tubwi Kin Akis elana
He Deibid i nuwatu i ba, “Na lou na na Pilistiya wali labiya, yaka Sol ni bakuhu ge nige ni loloyaagau al.” (puna 1)
Yaka alonau wana hevalau sikis handeled (600) hi na hi miminaa panuwa Gat wali kin Akis elana. He gegewel avaliyau natuliyau te hi nok. Inoke Sol i bakuhu ge nige Deibid i loloyaan al. (puna 2-4)
Yaka abwe Deibid i baek Akis elana i ba, “No abamina etega nu pem ge na minaa, panuwa bolo ali bwaga i yapu etegana gamwanaa. He nige no waisi ge tage alou owa ta minaa wam abalogugui ana taun bwabwatana ya elana.” Inoke Akis panuwa Siklag i pek elana. He Deibid i minaa Pilistiya wali labiya baliman maisena ge waikena esopali. (puna 5-7)
Inoke Deibid ge wana hevalau hi hahaveyan tuk boda Gesul, boda Gilsi ge boda Amaleki elal. Yaka abwe i kakawi Akis wana wasa i pepek tage hi haveyan tuk Yuda wali labi ona elal. (puna 8-11)
12 Inoke Akis i melteli Deibid elana, kaiwena atenaa i ba, “Iyaka wana pan Isileli ateliya i elolol iya kaiwena ge amnaliya i nakan, inoke nasi ni totuwalali elau sauga gegewena.”