Liwan ana Ekinkin
21
(2 Samuwela 21–24)
Nak toto Sol I Ginol Gibiyon elal Deibid I Abubun
Deibid wana sauga kin gamwanaa, galebu bwabwatana i gan ge i tutubwe baliman eton. Inoke Deibid i awaawanun Yehoba elana pulowan o kaiwena. Yaka Yehoba i baek elana i ba, “He i gan, kaiwena valila Sol boda Gibiyon i lopaaligal nuwana ni pwamowasel, inoke Sol ge tubutubunau iyaka nimaliya i saliya.”
Inoke Deibid Gibiyon i nelil binimala ga ni ginol ola kaiweliya ge nak ya ni yakil yoho. Yaka hi ba, “Sol tubutubunau bolau ali gewi seben nu talamwagil eliyama, inoke naha lopaaligal, yaka tuwaliya naha pakuki Yehoba matanaa Sol wana panuwaa Gibeya.” Inoke Deibid Sol tubutubunau bolau seben i ahel, yaka i pek elal ge hi ginol ola wali baaba. (puna 2-9)
Yaka abwe Deibid i ba tutuwaliya hi ahel. I ola al, Sol ge Diyontan tutuwaliya hi ahe panuwa Yabesi, iyoho labi Giliyad elana. Inoke Deibid i ba tuwatuwa o hi teliya Sol tamana Kisi wana salaiya. Yaka abwe gamagalau wali awaawanun wali labi kaiwena Yabowaine i hago ge galebu bwabwatana o i mowasi. (puna 10-14)
Haveyan Enuna Avaliyau ge Pilistiya
Deibid wana tolohaveyan Pilistiya wali toasiyala esopali hi gopaaligal. (puna 15-22)