☰ Filipai 2
2
E bar navir vamɨra ikɨva igharaz darazi deravɨra me damuam
1-2 Krais ti ian naviba gavgavim dagh anɨdi? A ti bar ia gifuegha ia gamima ia navir amɨrizimɨn iti? Ia ti Godɨn Duam ko poroghav iti? Egha ia ti igharazi darazir apangkuvigha deravɨra me gami? Egh kamaghɨn, ia arazir aghuibar amutɨ, nan agorogem bar izɨvagham. Ia bar nɨghnɨzir vamɨra ikɨ, egh igharaz darazigh ifongezir arazir vamɨran gɨn mangɨ. Ia bar navir vamɨra ikɨva bizir vamɨra bagh nɨghnɨgh. 3 + +Ia uarira uarigh nɨghnɨghan kogham, egh uaghan ziar ekiaba inisɨ ingaran markɨ. Puvatɨ. Ia bar uari dɨkabɨragh, kamaghɨn mɨkɨm suam, igharaz darazi ian pɨn iti. 4 + +Ia uarira uan bizibara ganan markɨ. Puvatɨ. Ia uaghan vaghvagh gumazamizir igharazibar bizibar ganɨva men akurvagh.
Krais bar uabɨ dɨkabɨrazɨma, God a fe
5 + +Ia, nɨghnɨzir Krais Iesus suirazir kamra, ia uaghan nɨghnɨzir kamra suiraghtɨma a ian ikɨ. 6 + +A guizbangɨra God, egha an arazir Godɨn mɨn itimɨn suighasa nɨghnɨzir pu. Bar puvatɨ. 7 + +A uabɨ arazir kam bar anetegha, pura ingangarir gumazir kɨnimɨn mɨn oto. A nguazir kamɨn gumazimɨn otozɨ gumazamiziba an garima, a guizɨn gumazimɨn iti. 8 + +Egha a uabɨ dɨkabɨragha Godɨn akam baragha bar an gɨn ghua egha areme. Guizbangɨra a gumazir bar kuramɨn mɨrara, ter ighuvimɨn areme. 9 + +Ezɨ bizir kam bagha God Iesus fegha a isa bar pɨn anetɨ. Egha God ziar bar aghuir mam a ganɨngizɨ, ziar kam bar ziabagh afira. 10 + ++God kamaghɨn ifonge, Godɨn Nguibamɨn itiba ko, nguazir kamɨn itiba ko, nguazimɨn apengan itiba, me bar moghɨra Iesusɨn damazimɨn uan tevibar apɨrigh an apengan ikɨva an ziam fam. 11 + +Egh me bar azenan an gun kamaghɨn mɨkɨm suam, “Krais Iesus, an Ekiam!” Egh tuavir kamra, me ziar ekiam God en Afeziam danɨngam. God kamaghsua, ziar bar aghuir kam Iesus ganɨngi.
E angazangarimɨn mɨn gumazamizibar tongɨn ikiam
12-13  +Kamaghɨn amizɨ, nan namakar aghuiba, ia zurara nan akaba barasi, ezɨ datɨrɨghɨn ia uaghan kamaghɨn damu. Kɨ ia ko itir dughiamɨn orazi ia dera. Kɨ datɨrɨghɨn ian saghon ti, kamaghɨn ia deravɨra nan akabar gɨn mangɨ. E fo, God ian akura, egha a ian navir averiabar ingaravɨra iti. Egha a uabɨ ian nɨghnɨziba fema ia a ifongezir arazibagh ami, ezɨ an arazir kabar amuasa gavgavim ia ganɨgavɨra iti. Kamaghɨn, ia datɨrɨghɨn Godɨn atiatingɨva akongɨva puvɨra ingarɨva, egh akurvazir aghuir God ia bagha atɨzir kam, a iniam.
14-16  +God kamaghɨn ifonge, ia an borir bar aghuibara ikiam, egh arazir kuratam ian puvatɨghtɨ, ia navir averiabar aven bar zuegham. Egh ia akar angamɨra itimɨn suiragh, egh mati overiamɨn itir mɨkoveziba isia taghtazi moghɨn nguazir kamɨn gumazamizibar tongɨn ikiam. Kar gumazamizir arazir aghuiba ategha arazir kurabagh amiba. Bizir kam bangɨn, bizir ia bar amiba, ia nɨmɨra ikɨ dar amu. Ia akar avɨribav kɨm, egh akabar uariv soghan markɨ. Ia kamaghɨn damutɨ, Krais Ua Izamin Dughiamɨn, kɨ ian araziba bagh bar akuegham. Egh kɨ kamaghɨn fogham, ingangarir dafar kɨ ian tongɨn amizir kaba, kɨ pura dagh amizir puvatɨ.
17 + +Ian nɨghnɨzir gavgavim, a mati ofan mam ia a isa God ganɨdi. Kɨ foghan kogham, me ti na mɨsueghtɨ kɨ aremeghtɨ me nan ghuzim ingeghɨva wainɨn ofan mɨn a inigh ian ofan kam sarama a ingegham. Bizir kam otoghtɨ, kɨ bar akuegham. Kɨ guizbangɨra ia ko, e bar moghɨra bar akuegham. 18 + +Ezɨ kamaghɨra ia uaghan bar akongegh. Ia guizbangɨra na ko, e bar akuegham.
Pol Filipain nguibar ekiamɨn Timoti amangasa mɨgei
19 Ekiam Iesus a ifueghtɨma, kɨ zuamɨra Timoti amadaghtɨ a ia bagh izam. Kɨ ghaze, a ua izɨ ian gun na mɨkɨmam, eghtɨ nan navim bar deragham. Kamaghɨn, kɨ anemangasa. 20 Gumazir igharazitam Timotin mɨn amua na ko itir puvatɨ. A na ko navir vamɨra ikia egha zurara ian akurvaghamin tuavibagh nɨghnɨsi. 21 + +Ezɨ gumazir maba bar uan bizibara nɨghnɨsi, me Krais Iesusɨn ingangarim gɨnɨghnɨzir puvatɨ. 22 + +Ezɨ Timoti uan ingangarir aghuim ian akazɨ, ia a gɨfogha gɨfa. Ia kamaghɨn fo, an Akar Aghuimɨn ingangarimɨn nan akurvasi, mati borim uan afeziamɨn akurvasi. 23 Kamaghɨn amizɨ, kɨ tong mɨzuam egh ganigham, bizir tizimra na batogham. Kɨ foghɨva egh zuamɨra anemadaghtɨma a ia bagh mangɨgham. 24 Ezɨ nan nɨghnɨzir gavgavim kamakɨn, Ekiam tuavim atɨgham, eghtɨ dughiar ovezimɨn kɨ uaghan mangɨ ian ganam.
Pol Filipain nguibar ekiamɨn Epafroditus amangasa mɨgei
25 + +Kɨ kamaghɨn nɨghnɨgha ghaze, kɨ ti en aveghbuam Epafroditus amadaghtɨma a ia bagh izam. A na ko ingarava, uaghan nan akurvagha mɨsosi. Ia faragha, a nan akurvaghasa, ia anemadazɨ a ize. 26 A bar ian apangkuvigha ian ganasa bar ifonge. A fo, ia an arɨmariar akam baraki, ezɨ bizir kam a gamima a bar oseme. 27 Guizbangɨra, a faragha arɨa, egha atam aremeghai. Ezɨ God an apangkufi. Ezɨ kɨ fo, osɨmtɨzir bar ekiam na avaraghan God aghua. Kamaghɨn amizɨ, God anarɨram apangkuvir puvatɨ, a uaghan nan apangkufi. Kamaghɨn an a gamizɨma a ua dera. 28 Ezɨ bizir kam bagha kɨ Epafroditus amangasa bar ifonge, eghtɨ ia an ganigh ua bar akuegham. Eghtɨ kɨ uaghan osemeghan kogham. 29-30  +Kamaghɨn, ia Ekiamɨn ziamɨn Epafroditus inisɨ bar akongegh. A, ingangarir ia na bagh damuan koghamim, an a gami. Kamaghɨn, a Kraisɨn ingangarim gamuava atam areme. A deravɨra ikiasa uabɨ gɨnɨghnɨzir puvatɨ. Egha uan arɨmariam adogha ingangarim gamuavɨra iti. Kamaghɨn amizɨ, ia ziar ekiam a danɨng uaghan an mɨraram amir gumazamiziba sara ziar ekiam me danɨng.
+ 2:3 Ro 12:10, Ga 5:26, Ef 5:21, Fl 1:15-16, Je 3:14 + 2:3 Rom 12:10; Galesia 5:26; Efesus 5:21; Filipai 1:15-16; Jems 3:14 + 2:4 1 Ko 10:24, 10:33, 13:5 + 2:4 1 Korin 10:24; 10:33; 13:5 + 2:5 Mt 11:29, Jo 13:15, 1 Pi 2:21, 1 Jo 2:6 + 2:5 Matyu 11:29; Jon 13:15; 1 Pita 2:21; 1 Jon 2:6 + 2:6 Jo 1:1-2, 5:18, 10:33, 17:5, 2 Ko 4:4, Kl 1:15, Hi 1:3 + 2:6 Jon 1:1-2; 5:18; 10:33; 17:5; 2 Korin 4:4; Kolosi 1:15; Hibru 1:3 + 2:7 Jo 1:14, 2 Ko 8:9, Ga 4:4, Hi 2:14, 2:17 + 2:7 Jon 1:14; 2 Korin 8:9; Galesia 4:4; Hibru 2:14; 2:17 + 2:8 Mt 26:39, 26:42, Jo 10:17-18, Ro 8:3, Hi 5:8, 12:2 + 2:8 Matyu 26:39; 26:42; Jon 10:17-18; Rom 8:3; Hibru 5:8; 12:2 + 2:9 Jo 17:1-5, Ap 2:33, Ef 1:20-21, Hi 1:3-4 + 2:9 Jon 17:1-5; Aposel 2:33; Efesus 1:20-21; Hibru 1:3-4 + 2:10 Mt 28:18, Ro 14:11, MAA 5:13 + 2:10 Matyu 28:18; Rom 14:11; Akar Mogomem 5:13 + 2:10 Aisaia 45:23 + 2:11 Jo 13:13, Ap 2:36, Ro 10:9, 1 Ko 8:6 + 2:11 Jon 13:13; Aposel 2:36; Rom 10:9; 1 Korin 8:6 + 2:12-13 Onger Akaba 2:11; Jon 15:5; 1 Korin 12:6; 15:10; 2 Korin 3:5; Efesus 6:5; Filipai 1:5; 2 Pita 1:5-8; 1 Tesalonika 2:13; Hibru 13:21 + 2:14-16 Godɨn Araziba 32:5; Aisaia 49:4; Daniel 12:3; Matyu 5:14-16; 5:45; 10:16; Rom 14:1; 1 Korin 10:10; Galesia 2:2; Efesus 5:1; 5:8; Filipai 1:10; 1 Tesalonika 2:19; 3:5; 1 Pita 2:12; 4:9 + 2:17 Ro 15:16, 2 Ti 4:6 + 2:17 Rom 15:16; 2 Timoti 4:6 + 2:18 Fl 3:1, 4:4 + 2:18 Filipai 3:1; 4:4 + 2:21 1 Ko 10:24, 10:33, 13:5, 2 Ti 4:10, 4:16 + 2:21 1 Korin 10:24; 10:33; 13:5; 2 Timoti 4:10; 4:16 + 2:22 1 Ko 4:17, 1 Ti 1:2, 2 Ti 1:2 + 2:22 1 Korin 4:17; 1 Timoti 1:2; 2 Timoti 1:2 + 2:25 Fl 4:18 + 2:25 Filipai 4:18 + 2:29-30 1 Korin 16:16-18; Filipai 4:10; 1 Timoti 5:17
☰