128
God gumazamizir an akam baragha an gɨn zuiba, a deragha me gami
Godɨn Dɨpenimɨn ghuavanaga an ziam fer ighiam.
Gumazamizir Ikiavɨra Itir Godɨn atiatia an apengan ikia, an akaba baragha dar gɨn zuiba,
me bar akongegh.
Ingangarir nɨ amibara nɨ dar dagɨaba inigh
bizir nɨ ifongezibagh ivezam.
Eghtɨ bizir nɨ amiba bar deraghtɨ
nɨ bar akuegham.
Nɨn amuim, wainɨn ikarɨzimɨn mɨn
ava ovɨzir avɨriba iti moghɨn, a borir avɨriba batam.
Nɨn boriba bar avɨrasemegh nɨn avir mɨriam,
olivɨn temer igiabar mɨn bar an okarigham.
Bar guizbangɨra,
gumazir Ikiavɨra Itir Godɨn atiatia an apengan itim,
a kamaghɨrama otogham.
 
Ikiavɨra Itir God, uan Dɨpenimɨn aven Saionɨn Nguibamɨn iti,
a deragh nɨ damu.
Nɨ zurara nguazimɨn itir dughiam,
nɨ Jerusalemɨn nguibamɨn itir bizibar gantɨ da deraghvɨrama otiv.
Kɨ kamaghsua, nɨ dughiar ruarimɨn ikɨ
uan igiar boribar gan.
 
Eghtɨ Israelia deraghvɨra ikɨ.