3
Atrivim Devitɨn ovavir boribar ziaba
Devit Hebronɨn nguibar ekiamɨn itir dughiamɨn, an otarir maba ini. Men ziabar kara: Amnon, an otarir ivariam, an amebam Ahinoam, a Jesrilɨn nguibar ekiamɨn amizim. Ezɨ an gɨn otozir otarim, Daniel. An amebam Abigel, a Karmelɨn nguibar ekiamɨn amizim. Ezɨ otarir namba 3, Apsalom. An amebam Maka, ezɨ Makan afeziam Talmai, a kantri Gesurɨn atrivim. Ezɨ otarir namba 4 Adoniya. An amebam, Hagit. Ezɨ otarir namba 5, Sefatia, an amebam Abital. Ezɨ otarir namba 6, Itream, an amebam, Ekla. +Devit Hebronɨn nguibar ekiamɨn ikiava otarir kaba ini. A 7plan azeniba ko 6plan iakɨnibar Hebronɨn atrivimɨn ike.
Egha Jerusalemɨn ikia, 33plan azenibar atrivimɨn iti. +A kagh itima, an amuim Batseba otarir 4pla bate. Batseba an Amielɨn guivim. Ezɨ an otaribar ziabar kara: Simea, Sobap, Natan, ko Solomon. Devit ua gɨn, otarir 9pla ini. Men ziabar kara: Iphar, Elisama, Elifelet, Noga, Nefek, Jafia, Elisaman igharazim ko, Eliada ko Elifeletɨn igharazim. Devit otarir kaba ini. A uaghan otarir igharazir maba ini, an amuir doziba me bate. Egha a uaghan guivir mam iti, an ziam Tamar.
Atrivim Solomonɨn ovavir boribar ziaba
10 Kar Solomonɨn ovavir boribar ziaba. Solomon, a Rehoboamɨn afeziam, ezɨ Rehoboam, a Abiyan afeziam, ezɨ Abiya, a Asan afeziam, ezɨ Asa, a Jehosafatɨn afeziam, 11 ezɨ Jehosafat, a Jehoramɨn afeziam, ezɨ Jehoram, a Ahasian afeziam, ezɨ Ahasia, a Joasɨn afeziam, 12 ezɨ Joas, a Amasian afeziam, ezɨ Amasia, a Usian afeziam, an ziar igharazim Asaria. Ezɨ Usia, a Jotamɨn afeziam, 13 ezɨ Jotam, a Ahasɨn afeziam, ezɨ Ahas, a Hesekian afeziam, ezɨ Hesekia, a Manasen afeziam. 14 Ezɨ Manase, a Emonɨn afeziam, ezɨ Emon, a Josaian afeziam.
15 Ezɨ Josaia otarir 4pla iti. An otarir ivariam, Johanan, ezɨ an gɨrara irim Jehoiakim, ezɨ namba 3ɨn otarim Sedekaia, ezɨ namba 4ɨn otarim Salum, an ziar igharazim Joahas.
16 Ezɨ Jehoiakim otarir pumuning iti, Jekonia ko Sedekaia. Jekonia, an ziar igharazim Jehoiakin.
Atrivim Jehoiakinɨn ovavir boribar ziaba
17 Jehoiakin, an atrivir Babilonia suiragha kalabuziar gumazimɨn mɨn, a inigha ghua uan kantrin atɨzim. An otaribar ziabar kara: Sealtiel, 18 ko Malkiram, Pedaia, Senasar, Jekamia, Hosama, ko Nedabia. 19 Pedaian otarimningɨn ziamning kara: Serubabel ko Simei. Ezɨ Serubabel otarir pumuning iti, aningɨn ziamning, Mesulam ko Hanania. A uaghan guivir mam iti, an ziam Selomit. 20 Ezɨ Pedaia otarir 5pla iti. Men ziabar kara: Hasuba, Ohel, Berekia, Hasadia, ko Jusap Heset. 21 Ezɨ Hananian otarimningɨn ziamning, Pelatia ko Jesaia. Ezɨ Jesaia, a Refaian afeziam, ezɨ Refaia, a Arnanɨn afeziam, ezɨ Arnan, a Obadian afeziam, ezɨ Obadia, a Sekanian afeziam.*
22 Ezɨ Sekania otarir vamɨra iti, an ziam Semaia. Ezɨ Semaia otarir 5pla iti. Men ziabar kara: Hatus, Igal, Baria, Nearia ko Safat. 23 Ezɨ Nearia otarir 3pla iti, Elioenai, Hiskia ko Asrikam. 24 Ezɨ Elioenai otarir 7pla iti, men ziabar kara: Hodavia, Eliasip, Pelaia, Akup, Johanan, Delaia ko Anani.
+ 3:4 2 Samuel 5:4-5; 1 Atriviba 2:11; 1 Eghaghaniba 29:27 + 3:5 2 Samuel 11:3 * 3:21 Hibrun akam deragha akar kamɨn mɨngarim abɨghizir puvatɨ.